بۇگىن «ناۋرىزناما» ونكۇندىگىنە سايكەس تازارۋ كۇنىنە وراي جانە «تازا قازاقستان» رەسپۋبليكالىق ەكولوگيالىق اكتسياسى اياسىندا «دەنساۋلىق» ساياباعىندا سەنبىلىك جۇمىستارى ءوتتى.
اتالعان سەنبىلىك جۇمىستارىنا وبلىستىق جانە قالالىق جاستار رەسۋرستىق ورتالىقتارىنىڭ قىزمەتكەرلەرى مەن «جاسىل ەل» ەڭبەك جاساقتارىنىڭ ۆولونتەرلەرى قاتىستى. سەنبىلىك بارىسىندا كۇل-قوقىستار شىعارىلىپ، سكۆەرلەر تازالاندى.
ەسكە سالا كەتەيىك، بىلتىردان بەرى ەلىمىزدە «تازا قازاقستان» اكتسياسى قارقىندى تۇردە ءجۇرىپ جاتىر. جالپىۇلتتىق جوبا جۇرتشىلىقتىڭ كەڭ قولداۋىنا يە بولدى. اسىرەسە، جاستار، سونىڭ ىشىندە ەرىكتىلەر ەرەكشە بەلسەندىلىك تانىتۋدا.
مەملەكەت باسشىسى ۇلتتىق قۇرىلتايداعى سوزىندە: «تازا قازاقستان» جاي ناۋقان ەمەس ەكەنىن مەن بىرنەشە رەت ايتتىم. ونىڭ تۇپكى مازمۇنى كوشەنى، اۋلانى تازالاۋمەن شەكتەلمەيدى. بۇل – ۇلتتىق بولمىسىمىزعا قاتىسى بار ماسەلە، تۇتاس ەلىمىزدىڭ كەلبەتىن وزگەرتەتىن باستاما» - دەپ اتاپ ءوتتى. سوندىقتان، اتالعان اكتسيالار مەن مارافوندار، تازالاۋ جۇمىستارى الداعى ۋاقىتتا ءوز جالعاسىن تابادى.
