Búgin «Naýryznama» onkúndigine sáıkes Tazarý kúnine oraı jáne «Taza Qazaqstan» respýblıkalyq ekologııalyq akııasy aıasynda «Densaýlyq» saıabaǵynda senbilik jumystary ótti.
Atalǵan senbilik jumystaryna oblystyq jáne qalalyq Jastar resýrstyq ortalyqtarynyń qyzmetkerleri men «Jasyl el» eńbek jasaqtarynyń volonterleri qatysty. Senbilik barysynda kúl-qoqystar shyǵarylyp, skverler tazalandy.
Eske sala keteıik, byltyrdan beri elimizde «Taza Qazaqstan» akııasy qarqyndy túrde júrip jatyr. Jalpyulttyq joba jurtshylyqtyń keń qoldaýyna ıe boldy. Ásirese, jastar, sonyń ishinde eriktiler erekshe belsendilik tanytýda.
Memleket basshysy Ulttyq Quryltaıdaǵy sózinde: «Taza Qazaqstan» jaı naýqan emes ekenin men birneshe ret aıttym. Onyń túpki mazmuny kósheni, aýlany tazalaýmen shektelmeıdi. Bul – ulttyq bolmysymyzǵa qatysy bar másele, tutas elimizdiń kelbetin ózgertetin bastama» - dep atap ótti. Sondyqtan, atalǵan akııalar men marafondar, tazalaý jumystary aldaǵy ýaqytta óz jalǵasyn tabady.
