بۇگىن ناۋرىز مەيرامى استانا الاڭىندا «ناۋرىزناما» اتتى مۋزىكالىق-تەاترلاندىرىلعان مەرەكەلىك قويىلىمىمەن باستالىپ، كوپتەگەن ءىس-شارالار ءوتتى. شىمكەنت قالاسىنىڭ تۇرعىندارى مەن قوناقتارى قازاق ەسترادا جۇلدىزدارىنىڭ قاتىسۋىمەن وتكەن كونتسەرتتى تاماشالادى.
قالا اكىمى عابيت سىزدىقبەكوۆ مەرەكەلىك ءىس-شارادا بۇلدىرشىندەردىڭ تۇساۋىن كەسىپ، سابيلەرگە اق جول تىلەدى.
استانا الاڭىندا مەرەكە اياسىندا مادەنيەتىمىزدىڭ اسىل قازىناسىنا اينالعان كيىز ۇيلەر تىگىلىپ، ەتنواۋىل جاساقتالدى. مادەنيەتىمىزدىڭ اسىل قازىناسى سانالاتىن ۇلتتىق سالت-داستۇرلەر مەن تاريحىمىزدى دارىپتەيتىن كورمەلەر قويىلدى.
مەرەكەلىك دۋمان بارىسىندا ەرتەگى الەمىنىڭ كەيىپكەرلەرى مەن شىمكەنت تسيرك ارتىستەرى تاڭعاجايىپ قويىلىمدار كورسەتىپ، ۇلتتىق سپورت ويىندارىنىڭ سايىستارى ءوتتى.
ايتا كەتسەك، كەشكى ساعات 20.00-دە وتاندىق جانە الەمدىك تانىمال ەسترادا جۇلدىزدارىنىڭ قاتىسۋىمەن مەرەكەلىك گالا-كونتسەرت كوپشىلىك نازارىنا ۇسىنىلادى.
