تۇركىمەنستان پرەزيدەنتى سەردار بەردىمۇحامەدوۆ قادىر تۇنىنە وراي سوتتالعاندارعا راقىمشىلىق جاساۋ تۋرالى بۇيرىققا قول قويدى, دەپ حابارلايدى «ادىرنا» ءتىلشىسى Turkmenportal-عا سىلتەمە جاساپ.
مەملەكەت باسشىسى 21 ناۋرىزدا مينيسترلەر كابينەتىنىڭ تسيفرلىق فورماتتاعى كەزەكتى وتىرىسىن وتكىزىپ، ءارتۇرلى وزەكتى ماسەلەلەردى قاراستىردى.
وتىرىس بارىسىندا مەملەكەتتىك قاۋىپسىزدىك كەڭەسىنىڭ حاتشىسى، تۇركىمەنستان پرەزيدەنتى جانىنداعى ازاماتتىق جانە راقىمشىلىق جاساۋ ماسەلەلەرى بويىنشا ۇسىنىستاردى دايىنداۋ كوميسسياسىنىڭ توراعاسى ب.گۋندوگدىەۆ قاسيەتتى قادىر تۇنىنە وراي سوتتالۋشىلارعا راقىمشىلىق جاساۋ جونىندەگى كوميسسيا جۇمىسىنىڭ قورتىندىسى تۋرالى بايانداما جاسادى. باياندامانى تىڭداعان پرەزيدەنت جىلداعى ءداستۇر بويىنشا باس بوستاندىعىنان ايىرۋ ورىندارىندا جازاسىن وتەپ جاتقان ەلدىڭ 321 ازاماتىنا راقىمشىلىق جاساۋ تۋرالى جارلىققا قول قويدى.
ەسكە سالايىق، بىلتىر تۇركىمەنستاندا قادىر ءتۇنىنىڭ قۇرمەتىنە 356 ازاماتقا امنيستيا جاريالانعان ەدى.
