Túrkimenstan prezıdenti Serdar Berdymuhamedov Qadir túnine oraı sottalǵandarǵa raqymshylyq jasaý týraly buıryqqa qol qoıdy, dep habarlaıdy «Adyrna» tilshisi Turkmenportal-ǵa silteme jasap.
Memleket basshysy 21 naýryzda mınıstrler kabınetiniń ıfrlyq formattaǵy kezekti otyrysyn ótkizip, ártúrli ózekti máselelerdi qarastyrdy.
Otyrys barysynda Memlekettik qaýipsizdik keńesiniń hatshysy, Túrkimenstan prezıdenti janyndaǵy azamattyq jáne raqymshylyq jasaý máseleleri boıynsha usynystardy daıyndaý komıssııasynyń tóraǵasy B.Gýndogdyev qasıetti Qadir túnine oraı sottalýshylarǵa raqymshylyq jasaý jónindegi komıssııa jumysynyń qortyndysy týraly baıandama jasady. Baıandamany tyńdaǵan prezıdent jyldaǵy dástúr boıynsha bas bostandyǵynan aıyrý oryndarynda jazasyn ótep jatqan eldiń 321 azamatyna raqymshylyq jasaý týraly jarlyqqa qol qoıdy.
Eske salaıyq, byltyr Túrkimenstanda Qadir túniniń qurmetine 356 azamatqa amnıstııa jarııalanǵan edi.
