پرەمەر-ءمينيستردىڭ كەڭەسشىسى ەرالى توعجانوۆ جۇمىس ساپارىمەن باتىس قازاقستان وبلىسىنا باردى.
ساپار بارىسىندا ەرالى توعجانوۆ وڭىردەگى سۋ تاسقىنى جاعدايىمەن تانىستى. ول جەرگىلىكتى اتقارۋشى ورگاندار مەن توتەنشە قىزمەت وكىلدەرىنىڭ قاتىسۋىمەن كەڭەس وتكىزىپ، تاۋەكەلدەردى بارىنشا ازايتۋ جانە حالىقتىڭ قاۋىپسىزدىگىن قامتاماسىز ەتۋ شارالارىن تالقىلادى.
سونىمەن قاتار، ول ورال قالاسىنداعى سۋ باسۋ قاۋپى بار ۋچاسكەلەردى ارالاپ، سونداي-اق وبلىستىڭ سۋ تاسقىنى قاۋپى بار اۋداندارىن، ونىڭ ىشىندە تەرەكتى، سىرىم، قاراتوبە، شىڭعىرلاۋ جانە ءبورلى اۋداندارىن اۋەدەن باقىلادى.
ساپار بارىسىندا سۋ وبەكتىلەرى قارالىپ، كوكتەمگى سۋ تاسقىنىنىڭ سالدارىن بولدىرماۋ بويىنشا قابىلدانىپ جاتقان شارالاردىڭ تيىمدىلىگى باعالاندى. ەرالى توعجانوۆ جەرگىلىكتى اتقارۋشى ورگاندار حالىقتىڭ قاۋىپسىزدىگىن قامتاماسىز ەتۋ ءۇشىن قاجەتتى شارالاردى جەدەل قابىلداي وتىرىپ، جاعدايدى تولىق باقىلاپ وتىرعانىن اتاپ ءوتتى.
بۇدان بولەك، جۇمىس ساپارى اياسىندا ەرالى توعجانوۆ «اۋىل اماناتى» باعدارلاماسىنىڭ ىسكە اسىرىلۋىنا قاتىستى كەڭەس وتكىزدى. ءوز سوزىندە ول باتىس قازاقستان وبلىسىنىڭ بۇل باعدارلاما بويىنشا رەسپۋبليكادا كوش باستاپ تۇرعانىن اتاپ ءوتتى. كەزدەسۋ بارىسىندا اۋىل تۇرعىندارىن جەڭىلدىكپەن قارجىلاندىرۋ، كاسىپكەرلىك باستامالاردى قولداۋ جانە اۋىلدىق اۋماقتاردى دامىتۋ ماسەلەلەرى تالقىلاندى. باعدارلاما تەتىگىنىڭ تيىمدىلىگىنە، قاتىسۋشىلاردى ىرىكتەۋدىڭ اشىقتىعىنا جانە پەرسپەكتيۆالى جوبالاردى قامتۋدى كەڭەيتۋگە ەرەكشە نازار اۋدارىلدى.
سونىمەن قاتار، ەرالى توعجانوۆ مەملەكەت باسشىسى بەكىتكەن 2023-2027 جىلدارعا ارنالعان اۋىلدىق اۋماقتاردى دامىتۋ تۇجىرىمداماسى شەڭبەرىندە وبلىس اكىمى ناريمان تورەعاليەۆتىڭ باستاماسىمەن 2024 جىلدىڭ باسىندا "قالادان اۋىلعا" پيلوتتىق جوباسىنىڭ تابىستى ىسكە اسىرىلۋىن اتاپ ءوتتى.
جوبانىڭ ماقساتى:
• ازاماتتاردىڭ اۋىلعا قونىس اۋدارۋىن ىنتالاندىرۋ;
• حالىقتىڭ كوشى-قونىن ازايتۋ جانە اۋىلدىق جەرلەردەگى جۇمىس كۇشى تاپشىلىعىن جويۋ;
• اۋىلدىق اۋماقتاردىڭ جانە اگروونەركاسىپتىك كەشەننىڭ تۇراقتى دامۋىن قامتاماسىز ەتۋ;
• شاعىن جانە ورتا بيزنەس سۋبەكتىلەرىنىڭ سانىن ارتتىرۋ;
• تۇراقتى جۇمىسى جوق قالا تۇرعىندارى مەن جاس وتباسىلاردى قولداۋ.
بۇگىنگى تاڭدا باعدارلاما اياسىندا بقو-نىڭ اۋىلدىق ەلدى مەكەندەرىنە 104 وتباسى (519 ادام) قونىس اۋداردى.
