Premer-Mınıstrdiń keńesshisi Eraly Toǵjanov jumys saparymen Batys Qazaqstan oblysyna bardy.
Sapar barysynda Eraly Toǵjanov óńirdegi sý tasqyny jaǵdaıymen tanysty. Ol jergilikti atqarýshy organdar men tótenshe qyzmet ókilderiniń qatysýymen keńes ótkizip, táýekelderdi barynsha azaıtý jáne halyqtyń qaýipsizdigin qamtamasyz etý sharalaryn talqylady.
Sonymen qatar, ol Oral qalasyndaǵy sý basý qaýpi bar ýchaskelerdi aralap, sondaı-aq oblystyń sý tasqyny qaýpi bar aýdandaryn, onyń ishinde Terekti, Syrym, Qaratóbe, Shyńǵyrlaý jáne Bórli aýdandaryn áýeden baqylady.
Sapar barysynda sý obektileri qaralyp, kóktemgi sý tasqynynyń saldaryn boldyrmaý boıynsha qabyldanyp jatqan sharalardyń tıimdiligi baǵalandy. Eraly Toǵjanov jergilikti atqarýshy organdar halyqtyń qaýipsizdigin qamtamasyz etý úshin qajetti sharalardy jedel qabyldaı otyryp, jaǵdaıdy tolyq baqylap otyrǵanyn atap ótti.
Budan bólek, jumys sapary aıasynda Eraly Toǵjanov «Aýyl amanaty» baǵdarlamasynyń iske asyrylýyna qatysty keńes ótkizdi. Óz sózinde ol Batys Qazaqstan oblysynyń bul baǵdarlama boıynsha respýblıkada kósh bastap turǵanyn atap ótti. Kezdesý barysynda aýyl turǵyndaryn jeńildikpen qarjylandyrý, kásipkerlik bastamalardy qoldaý jáne aýyldyq aýmaqtardy damytý máseleleri talqylandy. Baǵdarlama tetiginiń tıimdiligine, qatysýshylardy irikteýdiń ashyqtyǵyna jáne perspektıvaly jobalardy qamtýdy keńeıtýge erekshe nazar aýdaryldy.
Sonymen qatar, Eraly Toǵjanov Memleket basshysy bekitken 2023-2027 jyldarǵa arnalǵan aýyldyq aýmaqtardy damytý tujyrymdamasy sheńberinde oblys ákimi Narıman Tóreǵalıevtiń bastamasymen 2024 jyldyń basynda "Qaladan aýylǵa" pılottyq jobasynyń tabysty iske asyrylýyn atap ótti.
Jobanyń maqsaty:
• Azamattardyń aýylǵa qonys aýdarýyn yntalandyrý;
• Halyqtyń kóshi-qonyn azaıtý jáne aýyldyq jerlerdegi jumys kúshi tapshylyǵyn joıý;
• Aýyldyq aýmaqtardyń jáne agroónerkásiptik keshenniń turaqty damýyn qamtamasyz etý;
• Shaǵyn jáne orta bıznes sýbektileriniń sanyn arttyrý;
• Turaqty jumysy joq qala turǵyndary men jas otbasylardy qoldaý.
Búgingi tańda baǵdarlama aıasynda BQO-nyń aýyldyq eldi mekenderine 104 otbasy (519 adam) qonys aýdardy.
