قازاقستان جىل سايىن جاريالاناتىن World Happiness Report رەيتينگىندە 43-ورىنعا يە بولىپ، تمد ەلدەرى اراسىندا ەڭ جوعارى كورسەتكىشكە قول جەتكىزدى، دەپ حابارلايدى “ادىرنا” ۇلتتىق پورتالى 24.kz-كە سىلتەپ.
بۇل تىزىمدە قازاقستان وزبەكستاننان 10, رەسەيدەن 13, قىرعىزستاننان 32 ورىنعا جوعارى تۇر. بىلتىر ەلىمىز 49-ورىندا بولعان.
World Happiness Report رەيتينگى – Gallup, بىرىككەن ۇلتتار ۇيىمى جانە وكسفورد ۋنيۆەرسيتەتى جۇرگىزەتىن زەرتتەۋ. باقىت يندەكسى جان باسىنا شاققانداعى ءجىو، الەۋمەتتىك قولداۋ، ءومىر ءسۇرۋ ۇزاقتىعى، ەركىندىك، جومارتتىق، مەملەكەتتىك ينستيتۋتتارعا سەنىم جانە ازاماتتاردىڭ ومىرگە قاناعاتتانۋشىلىعى نەگىزىندە ەسەپتەلەدى.
سوڭعى جىلدارى قازاقستاندا ءومىر ءسۇرۋ ۇزاقتىعى 73-تەن 75 جاسقا دەيىن ۇزاردى، جالپى ءولىم-ءجىتىم 7,8%-عا، انا ءولىمى 26,3%-عا، نارەستە ءولىمى 15,8%-عا تومەندەدى.
پرەمەر-مينيستر ولجاس بەكتەنوۆ مەملەكەت باسشىسۆ قاسىم-جومارت توقاەۆتىڭ پرەزيدەنتتىك قىزمەتىنىڭ التى جىلدىعىنا ارنالعان ماقالاسىندا جان باسىنا شاققانداعى ىشكى جالپى ءونىمنىڭ ەكى ەسەگە جۋىق وسكەنىن اتاپ وتكەن بولاتىن.
