پاۆلودار قالاسىنداعى ەكى مەملەكەتتىك ۋنيۆۆەرسيتەت ستۋدەنتتەرى جاتاقحاناسىز ءجۇر، دەپ جازادى "ادىرنا" پورتالى. بۇل تۋرالى جۋرناليست وڭعار قابدەن الەۋمەتتىك جەلىدە ءبولىستى.
ول ءوزىنىڭ جازباسىندا پاۆلودارداعى قوس بىردەي جوو-نىڭ سۋتدەنتتەرى جاتىن ورىنسىز قالعانىن، تورايعىروۆ ۋنيۆەرسيتەتىنىڭ سالىنعان جاتاقحاناسىنىڭ ءوزى ءالى ساتىلىمدا تۇرعانىن ايتتى.
"جاتاقحانا ورنىنا كومەرتسيالىق ءۇي سوعىلعان. قازىر جارناما ارقىلى پاتەرلەر ساتىلىمدا تۇر. ويتكەنى، پرەزيدەنتتىڭ پەداگوگ ماماندىعى مارتەبەسىن كوتەرۋ باستاماسىنا ساي پاۆلوداردىڭ قاق ورتاسىنان، نومەرى 34 مەكتەپتىڭ ستاديونىنان وپىرىپ تۇرىپ ويىپ بەرگەن 1 گەكتاردان استام جەردى جەكەگە ساتىپ جىبەرىپتى" دەپ جازدى ول.
سونداي-اق، ول تورايعىروۆ ۋنيۆەرسيتەتىنىڭ سول كەزدەگى رەكتورى گاۋھار عالىمقىزى جاتاقحاناعا بەرىلگەن اۋماقتى جوعارى وقۋ ورنىنىڭ يەلىگىنە راسىمدەپ قويعانىن مالىمدەدى.
