گوندۋراستىڭ باتىسىنداعى رواتان ارالىنداعى اەرودرومنان ۇشىپ شىققاننان كەيىن كوپ ۇزاماي ۇشاق تەڭىزگە قۇلاپ، التى ادام قازا تاپتى. بۇل تۋرالى لا پرەنسا ارال-دە-لا-بايا دەپارتامەنتىنىڭ گۋبەرناتورى ۋگو ۆارەلاعا سىلتەمە جاساپ مالىمدەدى، دەپ حابارلايدى “ادىرنا” ۇلتتىق پورتالى.
Lanhsa Airlines كومپانياسىنا تيەسىلى ۇشاق رواتان ارالىنداعى حۋان مانۋەل گالۆەس اۋەجايىنان كوتەرىلگەننەن كەيىن كوپ ۇزاماي تەڭىزگە قۇلاعان. الدىن الا مالىمەت بويىنشا، ۇشاقتا كەمىندە 15 ادام بولعان، ونىڭ التاۋى قازا تاپقان.
ۇشاق لا-سەيبا قالاسىنا قاراي بەت العانى حابارلاندى. باسىلىم رەسپۋبليكانىڭ ۇلتتىق پوليتسياسىنا سىلتەمە جاساپ، «33 جولاۋشىعا ارنالعان Jetstream 41 ۇلگىلى ۇشاعى ۇشۋ كەزىندە مەحانيكالىق اقاۋعا تاپ بولعان كەزدە اپات ورىن العان» دەپ حابارلادى. ۇشاق ۇشۋ-قونۋ جولاعىنان شامامەن ءبىر شاقىرىم جەردە تەڭىزگە قۇلاعان.
باسىلىمنىڭ حابارلاۋىنشا، توتەنشە جاعدايلار قىزمەتى 10 ادامدى امان الىپ قالعان، ولار اۋرۋحاناعا جەتكىزىلگەن.
بۇعان دەيىن 9 ناۋرىزدا پەنسيلۆانيا شتاتىنىڭ لانكاستەر وكرۋگىندە شاعىن جەڭىل جولاۋشىلار ۇشاعى قۇلاپ، اپاتقا ۇشىراعان بولاتىن. سودان كەيىن Beechcraft Bonanza ۇشاعىنىڭ بورتىندا بەس ادام بولعانى ناقتىلاندى.
