كوستەنكو اتىنداعى شاحتادا ورىن العان اپاتتان قۇتقارۋعا جۇمىلدىرىلعان تاۋ-قۇتقارۋشىلارى جاعداي تۋرالى تىڭ دەرەكپەن ءبولىستى، دەپ جازادى "ادىرنا" پورتالى. بۇل تۋرالى msu.city ينستا-پاراقشاسى جاريالادى.
قۇتقارۋشىلار شاحتادا نەگىزگى ءورت ءسوندىرۋ قۇرالدارى بولماعاندىقتان سۋدى ۇزاق ىزدەگەندەرىن ايتتى.
كۋاگەرلەردىڭ ايتۋىنشا، قۇتقارۋ جۇمىستارىن ۇيلەستىرۋدى قاراعاندى وبلىسىنىڭ اكىمى مەن توتەنشە جاعدايلار ءمينيسترى قامتاماسىز ەتۋى ءتيىس ەدى. ولار ءوز جۇمىسىنىڭ ماڭىزدىلىعىن تۇسىنبەي تۇرعاندا، جەكە قولعا اۋىستىرىلعان قۇتقارۋ قىزمەتىنىڭ تاعايىندالعان باسشىسى قايدان ۇقسىن دەيدى جينالعاندار.
قۇتقارۋشىلار باسشىلىق ولارعا ادام رەتىندە قارامايتىنىن، بىردەڭە بولىپ قالسا، ەش قيىندىقسىز ورنىن جاباتىندارىن ايتادى، شاحتاداعى اپاتتى جويۋ كەزىندە قۇتقارۋشىلار دايىندىقسىز قۇتقارۋدان الاتىن كۇيزەلىستەرىمەن قوسا، ۇنەمى مورالدىق قىسىمعا ۇشىرايتىندارىن جەتكىزدى.
"قۇتقارۋ جۇمىستارىنا بۇيرىق كەلگەن سوڭ، زەررتەۋ بارىسىندا ءورت وشاعىن انىقتادىق. ءورت سوندىرەتىن نەگىزگى قۇرالدار بولمادى. اپاتتى ايماققا بارعانىمىزدا سۋ جوق بولدى. جارتى ساعات بويى سۋ ىزدەدىك. بۇل ءبىرىنشى رەت بولىپ تۇرعان جاعداي ەمەس. بۇكىل ماسەلە باقىلاۋدا بولماعاندىقتىڭ كەسىرىنەن بولىپ وتىر. ەگەر ءورت شىققان ايماققا 2-3 ساعات كەش جەتكەنىمىزدە، جاعداي مۇلدەم ۇلكەن كاتاستروفاعا اكەپ سوعار ەدى" دەدى تاۋ-قۇتقارۋشىلارىنىڭ ءبىرى.
شامامەن ءبىر جالاقىعا جۇمىس ىستەيتىن تاۋ-كەن قۇتقارۋشىلارىنا قاۋىپتى جۇمىس ءۇشىن جالاقى تولەنبەيدى.
"امت شاحتالارىندا ءاردايىم كوپتەگەن اپاتتىق بۇزۋشىلىقتار بولدى، ەڭ جاقسى دەگەندە 10 ءورت سوندىرگىشتىڭ 2-ءى جۇمىس ىستەپ تۇرادى، ال باسشىلىق حاتتامالاردا جازىلعان ەسكەرتۋلەردى جاسىرىپ، تەك رەسمي ەسكەرتۋلەر جازۋدى بۇيىرادى، ويتكەنى بۇرىنعى مەملەكەتتىك تاۋ-كەن قۇتقارۋ قىزمەتى قازىر جەكە قولعا بەرىلدى. ەگەر مەنەدجەردە بارلىق ەسكەرتۋلەر بولسا، وندا شاحتا ولارمەن كەلىسىمشارتتى بۇزۋى مۇمكىن. سول سەبەپتى شىنايى زاڭسىزدىق جاسىرىن قالىپ جاتادى" دەيدى گريگوري ەسىمدى قۇتقارۋششى.
تاۋ-كەن قۇتقارۋشىلارى شاحتادا قازا تاپقان مارقۇمدار ءۇشىن شىنايى قايعىرا كوڭىل ايتتى. قۇتقارۋشىلار قۇتقارۋ ءۇشىن جاسالماعان جاعدايعا قاتتى ناليتىندارىن جەتكىزدى.
ەسكە سالا كەتەيىك، 2023 جىلدىڭ 28 قازانىندا قاراعاندى وبلىسىنداعى شاحتادا 46 كەنشىنىڭ ءومىرىن قيعان قايعىلى وقيعا قازاقستاندىقتاردى ەسەڭگىرەتىپ تاستادى. كوستەنكو شاحتاسىنداعى اپات تاۋەلسىز قازاقستان تاريحىنداعى وندىرىستە بولعان ەڭ ءىرى اپات رەتىندە اتالدى.
پوسموترەت ەتۋ پۋبليكاتسيۋ ۆ Instagram
