ازەربايجان باكۋدەن گروزنىيعا ۇشىپ بارا جاتقان AZAL جولاۋشىلار ۇشاعىنىڭ اپاتىنا شەشەنستان باسشىلىعىنىڭ ەشقانداي قاتىسى جوق ەكەنىن ايتتى. بۇل تۋرالى Minval دەرەككوزى جازدى، دەپ حابارلايدى “ادىرنا” ۇلتتىق پورتالى.
مالىمەتتە شەشەنستاننىڭ بۇل اپاتقا ەشقانداي قاتىسى جوق ەكەنى ايتىلدى.
ايتا كەتسەك، شەشەنستان باسشىسى رامزان قادىروۆ 2024 جىلدىڭ جەلتوقسان ايىندا قۇلاعان AZAL Embraer E190 ۇشاعىنىڭ ەكيپاج مۇشەلەرىن «شەشەنستان رەسپۋبليكاسىنا سىڭىرگەن ەڭبەگى ءۇشىن» مەدالدارىمەن ماراپاتتاعان بولاتىن. سونداي-اق، قادىروۆتىڭ ايتۋىنشا، شەشەنستاندا اپات قۇرباندارىنا ارنالعان ەسكەرتكىش تاقتا ورناتىلادى.
ەسكە سالا كەتەيىك، 2024 جىلدىڭ 25 جەلتوقسانىندا باكۋ-گروزنىي رەيسىن ورىنداعان «ازەربايجان اۋە جولدارىنىڭ» جولاۋشىلار ۇشاعى اقتاۋ قالاسىنا جاقىن جەردە اپاتقا ۇشىراعان. ۇشاقتا 67 ادام بولعان، ونىڭ 38-ءى قازا تاۋىپ، 29 ادام امان قالعان.
الدىن الا مالىمەتتەر بويىنشا، اپاتتىڭ سەبەبى رەسەيدىڭ اۋە كەڭىستىگىندەگى گروزنىي ماڭىندا سىرتقى فيزيكالىق جانە تەحنيكالىق اسەردەن بولعان.
