Gondýrastyń batysyndaǵy Roatan aralyndaǵy aerodromnan ushyp shyqqannan keıin kóp uzamaı ushaq teńizge qulap, alty adam qaza tapty. Bul týraly La Prensa Aral-de-la-Baııa departamentiniń gýbernatory Ýgo Varelaǵa silteme jasap málimdedi, dep habarlaıdy “Adyrna” ulttyq portaly.
Lanhsa Airlines kompanııasyna tıesili ushaq Roatan aralyndaǵy Hýan Manýel Galves áýejaıynan kóterilgennen keıin kóp uzamaı teńizge qulaǵan. Aldyn ala málimet boıynsha, ushaqta keminde 15 adam bolǵan, onyń altaýy qaza tapqan.
Ushaq La-Seıba qalasyna qaraı bet alǵany habarlandy. Basylym respýblıkanyń ulttyq polıııasyna silteme jasap, «33 jolaýshyǵa arnalǵan Jetstream 41 úlgili ushaǵy ushý kezinde mehanıkalyq aqaýǵa tap bolǵan kezde apat oryn alǵan» dep habarlady. Ushaq ushý-qoný jolaǵynan shamamen bir shaqyrym jerde teńizge qulaǵan.
Basylymnyń habarlaýynsha, tótenshe jaǵdaılar qyzmeti 10 adamdy aman alyp qalǵan, olar aýrýhanaǵa jetkizilgen.
Buǵan deıin 9 naýryzda Pensılvanııa shtatynyń Lankaster okrýginde shaǵyn jeńil jolaýshylar ushaǵy qulap, apatqa ushyraǵan bolatyn. Sodan keıin Beechcraft Bonanza ushaǵynyń bortynda bes adam bolǵany naqtylandy.
