ماڭعىستاۋ وبلىسىندا ۇشاق اپاتىنان قازا تاپقاندار قۇرمەتىنە كاسپي تەڭىزىنە گۇل شوقتارى جىبەرىلدى. بۇل تۋرالى وبلىس اكىمدىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، 26 جەلتوقسان كۇنى اقتاۋ، قۇرىق جانە باۋتينو پورتتارىندا ۇشاق اپاتىنان قازا تاپقانداردى ەسكە الۋ جانە ولارعا قۇرمەت بەلگىسى رەتىندە كاسپي تەڭىزىنە ازا تۇتۋ گۇل شوقتارى جىبەرىلدى
تەڭىزشىلەر بۇل جالپىعا ورتاق قاسىرەت ەكەنىن جەتكىزدى.
"بۇل - جانتۇگەرشىلىك ۇشاق اپاتىنان قازا تاپقانداردىڭ بارلىعىنا قۇرمەت بەلگىسى بولماق. بۇل سوڭعى جىلدارداعى ەڭ قايعىلى وقيعالاردىڭ ءبىرى، بىرنەشە ادام قايتىس بولدى. ولاردىڭ قاتارىندا بالالار دا بار. قايتىس بولعانداردىڭ جاقىندارىنىڭ سەزىمدەرى تۇسىنىكتى، ءبىز سىزدەرمەن بىرگەمىز. ءبىز قامكوڭىل جانداردىڭ قايعىسىنا ورتاقپىز", - دەپ اتاپ ءوتتى ەسكە الۋ شاراسىنا قاتىسۋشىلار.
قۇرىق پورتىنداعى ازىربايجاندىق "Zarifa Aliyeva" پارومىندا دا وسىنداي ءراسىم ءوتتى، وندا كاسىپورىن قىزمەتكەرلەرى، اۋدان اكىمدىگى جانە باق وكىلدەرى جينالدى. "قۇرىق پورت" جشس ديرەكتورى سەرىك احمەتوۆ ۇشاق اپاتىن بۇكىل ەلدى ءدۇر سىلكىندىرگەن قايعىلى وقيعا دەپ اتادى. ول قازا تاپقانداردىڭ وتباسىلارىنا كوڭىل ايتتى.
وسىنداي ءىس-شارا باۋتينو پورتىندا دا ءوتتى، وندا ونداعان ادام جينالدى. ولار ءبىر مينۋت ۇنسىزدىكپەن قازا تاپقانداردى ەسكە الىپ، ايماق تۇرعىندارى، ونىڭ ىشىندە تەڭىزشىلەر دە زارداپ شەككەندەرگە كەز كەلگەن ۋاقىتتا بارلىق قولداۋ كورسەتۋگە دايىن ەكەنىن اتاپ ءوتتى.
