استانالىق وقۋشىلار جول ءجۇرۋ كارتاسىن قالاي الادى؟ بۇل تۋرالى CTS كومپانياسى ايتتى، دەپ حابارلايدى “ادىرنا” ۇلتتىق پورتالى.
جاڭا وقۋ جىلىنىڭ باستالۋىنا 1 ايدان از ۋاقىت قالدى. دايىندىقتى مەكتەپ كولىك كارتاسىن جاساۋدان باستاۋعا كەڭەس بەرەمىز.
وزدەرىڭىز بىلەتىندەي، ەلوردادا قالا جانە قالا ماڭىنداعى ەلدى مەكەندەردە تۇراتىن 18 جاسقا دەيىنگى وقۋشىلار قوعامدىق كولىكتە تەگىن جۇرەدى. ول ءۇشىن مەكتەپ كولىك كارتاسى بولۋى كەرەك جانە ونى اۆتوبۋس سالونىندا ۆاليداتسيالاۋ قاجەت، - دەلىنگەن كومپانيا حابارلاماسىندا.
مەكتەپ كولىك كارتاسىن ەكى جولمەن الۋعا بولادى:
1. ر.قوشقارباەۆ داڭعىلى، 50/1 مەكەنجايىنداعى ورتالىق كاسسا ارقىلى;
2. Transcard.kz سايتىندا ونلاين تاپسىرىس بەرۋ ارقىلى.
كارتانى راسىمدەۋ ءۇشىن:
- اتا-انانىڭ ءبىرىنىڭ جەكە كۋالىگى;
- بالانىڭ تۋ تۋرالى كۋالىگى (جسن بار) نەمەسە جەكە كۋالىك;
- مەكتەپتەن انىقتاما;
- 3ح4 ءبىر فوتوسۋرەت قاجەت.
16 جاسقا تولعان وقۋشىلار مەكتەپ كولىك كارتاسىن جەكە كۋالىكپەن وزدەرى كەلىپ، جاساي الادى.
مەكتەپ كولىك كارتاسىن قايتا العان جاعدايدا بالانىڭ تۋ تۋرالى كۋالىگى، سونداي-اق اتا-اناسىنىڭ بىرەۋىنىڭ نەمەسە زاڭدى وكىلدەرىنىڭ جەكە كۋالىگىنىڭ تۇپنۇسقاسى نەمەسە تولقۇجاتى عانا كەرەك. ەگەر وقۋشىنىڭ جاسى 15-كە تولعان بولسا، كارتانى قالپىنا كەلتىرۋ ءۇشىن مەكتەپ انىقتاماسى مىندەتتى تۇردە قاجەت.
مەكتەپ كولىك كارتاسىن العاشقى شىعارۋ قۇنى 1000 تگ. قايتا شىعارۋ – 2000 تگ.
كارتانىڭ جارامدىلىق مەرزىمى – 5 جىل.
قالاعان جاعدايدا، مەكتەپ كولىك كارتاسىنداعى فوتوسۋرەتتى وزگەرتۋگە بولادى، الايدا بۇل مىندەتتى ەمەس.
مەكتەپ جانە جەڭىلدىگى بار كولىك كارتالارىن باسقا ادامدارعا بەرمەۋدى سۇرايدى.
