اتىراۋ وبلىسى قۇلسارى قالاسىندا مەكتەپ وقۋشىسىنىڭ وزگە بالالارعا بالتا الا جۇگىرگەن ءساتى تۇسىرىلگەن ۆيدەو الەۋمەتتىك جەلىدە كەڭىنەن تالقىلانعاننان كەيىن اتالعان ءبىلىم ورداسىنىڭ ديرەكتورى قىزمەتىنەن بوساتىلدى. بۇل تۋرالى وقۋ-اعارتۋ ءمينيسترى جۇلدىز سۇلەيمەنوۆا ايتتى، دەپ حابارلايدى "ادىرنا".
مينيستر وڭىرگە ارنايى كوميسسيا جىبەرىپ، مەكتەپتەردەگى قاۋىپسىزدىك پەن تاربيە جۇمىسىنىڭ جاي-كۇيىن تەكسەرمەك.
«باسقارما وكىلدەرى بولعان وقيعاعا بايلانىستى اتالعان مەكتەپتىڭ ديرەكتورى قىزمەتىنەن بوساتىلعانىن حابارلادى. مەكتەپتە ورىن الاتىن كەز كەلگەن قۇقىق بۇزۋشىلىققا، سونىڭ ىشىندە بالالار اراسىنداعى بۋللينگ، توبەلەس پەن الىمجەتتىككە باسقارۋشىلىق تۇرعىدان دا، قۇقىقتىق تۇرعىدان دا ناقتى باعا بەرىلۋى ءتيىس»، – دەدى وقۋ-اعارتۋ ءمينيسترى جۇلدىز سۇلەيمەنوۆا.
ەسكە سالايىق، 5 اقپاندا «102» ارناسىنا قۇلسارى قالاسىنداعى مەكتەپتەردىڭ بىرىندە جاسوسپىرىمدەر اراسىندا جانجال شىعىپ، ونىڭ سوڭى شابۋىلعا ۇلاسقانى تۋرالى حابار ءتۇستى. وقيعا كەزىندە ەكى وقۋشى جەڭىل جاراقات العان.
پوليتسيا قىزمەتكەرلەرى 10-سىنىپ وقۋشىسىن ۇستادى. بۇزاقىلىق دەرەگى بويىنشا قىلمىستىق ءىس تىركەلىپ، كۇدىكتى ۋاقىتشا ۇستاۋ يزولياتورىنا قامالدى. ول ىشكى ىستەر ورگاندارىنىڭ پروفيلاكتيكالىق ەسەبىنە الىندى.
ءجاسوسپىرىمنىڭ اتا-اناسى بالانى تاربيەلەۋ مىندەتتەرىن تيىسىنشە ورىنداماعانى ءۇشىن اكىمشىلىك جاۋاپكەرشىلىككە تارتىلدى.
