Astanalyq oqýshylar jol júrý kartasyn qalaı alady? Bul týraly CTS kompanııasy aıtty, dep habarlaıdy “Adyrna” ulttyq portaly.
Jańa oqý jylynyń bastalýyna 1 aıdan az ýaqyt qaldy. Daıyndyqty mektep kólik kartasyn jasaýdan bastaýǵa keńes beremiz.
Ózderińiz biletindeı, elordada qala jáne qala mańyndaǵy eldi mekenderde turatyn 18 jasqa deıingi oqýshylar qoǵamdyq kólikte tegin júredi. Ol úshin mektep kólik kartasy bolýy kerek jáne ony avtobýs salonynda valıdaııalaý qajet, - delingen kompanııa habarlamasynda.
Mektep kólik kartasyn eki jolmen alýǵa bolady:
1. R.Qoshqarbaev dańǵyly, 50/1 mekenjaıyndaǵy Ortalyq kassa arqyly;
2. Transcard.kz saıtynda onlaın tapsyrys berý arqyly.
Kartany rásimdeý úshin:
- ata-ananyń biriniń jeke kýáligi;
- balanyń týý týraly kýáligi (JSN bar) nemese jeke kýálik;
- mektepten anyqtama;
- 3h4 bir fotosýret qajet.
16 jasqa tolǵan oqýshylar mektep kólik kartasyn jeke kýálikpen ózderi kelip, jasaı alady.
Mektep kólik kartasyn qaıta alǵan jaǵdaıda balanyń týý týraly kýáligi, sondaı-aq ata-anasynyń bireýiniń nemese zańdy ókilderiniń jeke kýáliginiń túpnusqasy nemese tólqujaty ǵana kerek. Eger oqýshynyń jasy 15-ke tolǵan bolsa, kartany qalpyna keltirý úshin mektep anyqtamasy mindetti túrde qajet.
Mektep kólik kartasyn alǵashqy shyǵarý quny 1000 tg. Qaıta shyǵarý – 2000 tg.
Kartanyń jaramdylyq merzimi – 5 jyl.
Qalaǵan jaǵdaıda, mektep kólik kartasyndaǵy fotosýretti ózgertýge bolady, alaıda bul mindetti emes.
Mektep jáne jeńildigi bar kólik kartalaryn basqa adamdarǵa bermeýdi suraıdy.
