ناۋرىز مەيرامى قارساڭىندا استانا قالاسىنداعى سەرۆيس جانە تۋريزم كوللەدج ۇجىمى ۇمىتىلىپ بارا جاتقان قازاقتىڭ ءداستۇرلى تاعامى – جەنتتى دايىنداۋدى قولعا الدى، دەپ حابارلايدى «ادىرنا» ءتىلشىسى ەلوردا اكىمدىگىنە سىلتەمە جاساپ.
«بۇل شاراعا 15 وندىرىستىك وقىتۋ شەبەرى، 31 وقىتۋشى جانە 55 ستۋدەنت بەلسەندى تۇردە قاتىسىپ، ۇلتتىق تاعامدى ازىرلەۋدىڭ قىر-سىرىن مەڭگەرۋدە. دايىن ءونىمنىڭ كولەمى دە تاڭعالارلىق: جەنتكە 50 كگ تالقان قولدانىلدى. ونىڭ جالپى ۇزىندىعى – 15 مەتر، ەنى – 30 سم، ال بيىكتىگى – 4 سم. جالپى سالماعى – 150 كگ جۋىق»،—دەلىنگەن حابارلامادا.
ايتا كەتەيىك، جەنت — قازاقتىڭ اسا شەبەرلىكپەن جاسايتىن ءارى وتە ءدامدى، تاعامدىق ءنارى مول جەڭسىك تاعامداردىڭ ءبىرى. جەنت قىستا قاتپايدى، جازدا بۇزىلمايدى، ارقاشان ءدامى مەن ءنارىن ساقتايدى. سوعان وراي كوشپەلى حالىقتىڭ داستارقانىنان ۇلكەن ورىن العان.
