بۇۇ باس اسسامبلەياسى قازاقستاننىڭ باستاماسىمەن 22 ءساۋىردى حالىقارالىق پلانەتانى كوگالداندىرۋ كۇنى دەپ جاريالايتىن قارار قابىلدادى، دەپ حابارلايدى “ادىرنا”.
بۇل تۋرالى قازاقستان رەسپۋبليكاسى ءسىم ءباسپاسوز قىزمەتى حابارلادى.
اتالعان باستاما قازاقستان پرەزيدەنتى قاسىم-جومارت توقاەۆتىڭ بۇۇ باس اسسامبلەياسىنىڭ 80-سەسسياسى اياسىنداعى جالپى پىكىرتالاستا 2025 جىلعى قىركۇيەكتە سويلەگەن سوزىندە ۇسىنىلعان.
قاراردىڭ تەڭ اۆتورلارى قاتارىندا الەمنىڭ ءتۇرلى وڭىرلەرىنەن 32 مەملەكەت بار.
قۇجات قورشاعان ورتانى قورعاۋ، ەكوجۇيەلەردى قالپىنا كەلتىرۋ، جاسىل جەلەكتەردى كوبەيتۋ جانە ەكولوگيالىق مادەنيەتتى قالىپتاستىرۋ باعىتىنداعى حالىقارالىق ىنتىماقتاستىقتى كۇشەيتۋگە باعىتتالعان.
سونداي-اق قارار مەملەكەتتەردى، بۇۇ جۇيەسىن، حالىقارالىق جانە وڭىرلىك ۇيىمداردى، ازاماتتىق قوعامدى جانە باسقا دا مۇددەلى تاراپتاردى پلانەتانى كوگالداندىرۋ مەن تابيعي ەكوجۇيەلەردى قالپىنا كەلتىرۋگە ارنالعان ءىس-شارالار وتكىزۋگە شاقىرادى.
