پولشا پرەمەر-ءمينيسترى دونالد تۋسك ۋكرايناداعى جاعدايدى ايتتى، دەپ حابارلايدى “ادىرنا” ءتىلشىسى.
ۆەستەرپلاتتە وتكەن شارادا تۋسك الداعى كۇز بەن قىس ۋكراينا تاۋەلسىزدىگى مەن پولشانىڭ قاۋىپسىزدىگى ءۇشىن شەشۋشى كەزەڭ بولۋى مۇمكىن ەكەنىن ايتتى.
«بۇكىل باتىستىڭ جاۋاپكەرشىلىگى – ۋكراينانىڭ تاعدىرى جاقىن بولاشاقتا ءبىزدىڭ دە تاعدىرىمىز ەكەنىن ءتۇسىنۋ»، – دەدى پولشا ۇكىمەتىنىڭ باسشىسى.
ول وتكەننىڭ قاتەلىكتەرىن قايتالاماۋعا جانە قاۋىپ-قاتەر جاعدايىندا ىمىراعا بارۋ ساياساتىنا جول بەرمەۋگە شاقىردى.
تۋسك ەكىنشى دۇنيەجۇزىلىك سوعىستىڭ ساباقتارى ەۋروپا، اقش جانە ناتو اراسىنداعى بىرلىكتىڭ نەگىزىنە اينالۋى ءتيىس ەكەنىن اتاپ ءوتتى. ونىڭ ايتۋىنشا، بۇل وداق تەك قاعاز جۇزىندە قالماۋى كەرەك.
ۇقساس جاڭالىقتار
