رەسەيدىڭ فەدەراتسيا كەڭەسىنىڭ توراعاسى ۆالەنتينا ماتۆيەنكو مەن ازەربايجاننىڭ ءبىرىنشى ۆيتسە-پرەزيدەنتى مەحريبان اليەۆا باكۋدە كەزدەستى، دەپ حابارلايدى «ادىرنا» ءتىلشىسى تاسس-قا سىلتەمە جاساپ.
«كەزدەسۋ فەدەراتسيا كەڭەسى دەلەگاتسياسىنىڭ ازەربايجانعا رەسمي ساپارى اياسىندا ۇيىمداستىرىلدى. تاراپتار ەكىجاقتى قاتىناستاردىڭ، ونىڭ ىشىندە مادەني جانە گۋمانيتارلىق ىنتىماقتاستىق ماسەلەلەرىن تالقىلادى»،—دەلىنگەن حابارلامادا.
سونداي-اق گەيدار اليەۆ قورىن باسقاراتىن ماتۆيەنكو مەن اليەۆا ازەربايجاننىڭ ۇلتتىق كوشباسشىسىن ەسكە الۋ جۇمىستارىن جالعاستىرۋ قاجەتتىلىگىنە جەكە توقتالعان.
«قوس تاراپ گەيدار اليەۆ ەسكەرتكىشىن ماسكەۋدەگى ازەربايجان ەلشىلىگىنىڭ جانىنداعى الاڭعا سالۋدىڭ ماڭىزدىلىعىن اتاپ ءوتتى»،—دەپ تولىقتىردى رەسەي فەدەراتسيا كەڭەسى.
ەسكە سالايىق، 4 ناۋرىز كۇنى ازەربايجاننىڭ رەسەيدەگى ەلشىلىگىنىڭ جانىنداعى ساياباقتا گەيدار اليەۆكە سالتاناتتى تۇردە ەسكەرتكىش قويۋ ءراسىمى وتكەن بولاتىن.
ەسكەرتكىش تاقتادا: «مۇندا ەكى مارتە سوتسياليستىك ەڭبەك ەرى، كورنەكتى مەملەكەت جانە ساياسي قايراتكەر، مينيسترلەر كەڭەسىنىڭ بايكال-امۋر ماگيسترالىن سالۋ جانە دامىتۋ جونىندەگى كوميسسياسىنىڭ توراعاسىنا ەسكەرتكىش ورناتىلادى»،—دەلىنگەن.
گەيدار اليەۆ بۇرىن ازەربايجان كسر ۇلتتىق قاۋىپسىزدىك كوميتەتىن باسقارعان بولاتىن. ول 1993-2003 جىلدار ارالىعىندا ەل پرەزيدەنتى بولدى. قازىرگى تاڭدا ازەربايجاندى ونىڭ ۇلى يلحام اليەۆ باسقارادى.
بۇعان دەيىن ازەربايجان مەن رەسەي اقتاۋ ماڭىندا قۇلاعان Azerbaijan Airlines اۋەكومپانياسىنىڭ جولاۋشى ۇشاعى اپاتىنا بايلانىستى داۋ بولعان ەدى.
