اتىراۋدا ماماندار بىرنەشە اۋداندا اۋا سىنامالارىن الىپ، ونىڭ قۇرامىن زەرتتەۋدە، دەپ حابارلايدى "ادىرنا" ۇلتتىق پورتالى Orda.kz-كە سىلتەمە جاساپ.
بۇل جۇمىستار قالا تۇرعىندارى تۇندە سەزىنەتىن جاعىمسىز ءيىستىڭ ناقتى كوزىن انىقتاۋ جانە الىنعان دەرەكتەر نەگىزىندە كەشەندى تالداۋ جۇرگىزۋ ماقساتىندا جۇزەگە اسىرىلۋدا.
ەكولوگتار سىنامالاردى اتىراۋ مۇناي وڭدەۋ زاۋىتىنىڭ سانيتارلىق قورعاۋ ايماعىنان جانە سولتۇستىك ونەركاسىپتىك ايماقتان العان.
زەرتتەۋ بارىسىندا سەروۆودورود، ديوكسيد جانە مەركاپتانداردىڭ مولشەرى تەكسەرىلۋدە.
اتىراۋ وبلىسى ەكولوگيا دەپارتامەنتىنىڭ ءبولىم باسشىسى ساپار تۇرسىنبەكوۆتىڭ ايتۋىنشا، ساراپشىلاردىڭ قورىتىندىسى شىققاننان كەيىن زەرتتەۋ ناتيجەلەرى جاريالانىپ، ءتيىستى شارالار قابىلدانادى.
ەكولوگيا دەپارتامەنتى بۇل جۇمىستاردىڭ قوعامدىق باقىلاۋدى كۇشەيتىپ، قالا تۇرعىندارىن ەكولوگيالىق ماسەلەلەردى شەشۋگە تارتۋ ماقساتىندا جۇرگىزىلىپ جاتقانىن مالىمدەدى.
