Atyraýda mamandar birneshe aýdanda aýa synamalaryn alyp, onyń quramyn zertteýde, dep habarlaıdy "Adyrna" ulttyq portaly Orda.kz-ke silteme jasap.
Bul jumystar qala turǵyndary túnde sezinetin jaǵymsyz ıistiń naqty kózin anyqtaý jáne alynǵan derekter negizinde keshendi taldaý júrgizý maqsatynda júzege asyrylýda.
Ekologtar synamalardy Atyraý munaı óńdeý zaýytynyń sanıtarlyq qorǵaý aımaǵynan jáne soltústik ónerkásiptik aımaqtan alǵan.
Zertteý barysynda serovodorod, dıoksıd jáne merkaptandardyń mólsheri tekserilýde.
Atyraý oblysy ekologııa departamentiniń bólim basshysy Sapar Tursynbekovtyń aıtýynsha, sarapshylardyń qorytyndysy shyqqannan keıin zertteý nátıjeleri jarııalanyp, tıisti sharalar qabyldanady.
Ekologııa departamenti bul jumystardyń qoǵamdyq baqylaýdy kúsheıtip, qala turǵyndaryn ekologııalyq máselelerdi sheshýge tartý maqsatynda júrgizilip jatqanyn málimdedi.
