پرەزيدەنت قاسىم-جومارت توقاەۆ ارقالىقتاعى اۋەجايدى قالپىنا كەلتىرىپ، جاڭا اەروۆوكزال سالۋدى تاپسىردى. بۇل تۋرالى ول بۋرابايدا وتكەن قۇرىلتايدا ايتتى، دەپ حابارلايدى “ادىرنا” ۇلتتىق پورتالى.
"مەن ۇكىمەتكە استانادان ارقالىق، تورعاي جانە ىرعىز ارقىلى ترانسكاسپي حالىقارالىق كولىك دالىزىنە تۋرا شىعاتىن اۆتوكولىك جولىنىڭ قۇرىلىسىن باستاۋدى تاپسىردىم. جاڭا كۇرە جول ورتالىق جانە باتىس ايماقتاردىڭ اراسىن 560 شاقىرىمعا قىسقارتادى. بۇل – تۇتاس تورعاي ءوڭىرىنىڭ دامۋىنا تىڭ سەرپىن بەرەتىن اۋقىمدى جوبا.
بۇدان بولەك ارقالىقتاعى اۋەجايدى قالپىنا كەلتىرىپ، جاڭا اەروۆوكزال سالعان ءجون. بۇل جوبا ىشكى كولىك قاتىناستارىن ەداۋىر جاقسارتادى. سونداي-اق ورتالىق ايماقتاعى اۋىل شارۋاشىلىعى جەرلەرىن يگەرۋگە جانە مال شارۋاشىلىعىن دامىتۋعا تىڭ سەرپىن بەرەدى.
ەلىمىزدە ماشينا جاساۋ، مەتاللۋرگيا، مۇناي-حيميا، اگروونەركاسىپ جانە كولىك-لوگيستيكا سالالارىندا مۇنداي جوبالار از ەمەس", - دەدى توقاەۆ.
