Prezıdent Qasym-Jomart Toqaev Arqalyqtaǵy áýejaıdy qalpyna keltirip, jańa aerovokzal salýdy tapsyrdy. Bul týraly ol Býrabaıda ótken quryltaıda aıtty, dep habarlaıdy “Adyrna” ulttyq portaly.
"Men Úkimetke Astanadan Arqalyq, Torǵaı jáne Yrǵyz arqyly Transkaspıı halyqaralyq kólik dálizine týra shyǵatyn avtokólik jolynyń qurylysyn bastaýdy tapsyrdym. Jańa kúre jol ortalyq jáne batys aımaqtardyń arasyn 560 shaqyrymǵa qysqartady. Bul – tutas Torǵaı óńiriniń damýyna tyń serpin beretin aýqymdy joba.
Budan bólek Arqalyqtaǵy áýejaıdy qalpyna keltirip, jańa aerovokzal salǵan jón. Bul joba ishki kólik qatynastaryn edáýir jaqsartady. Sondaı-aq ortalyq aımaqtaǵy aýyl sharýashylyǵy jerlerin ıgerýge jáne mal sharýashylyǵyn damytýǵa tyń serpin beredi.
Elimizde mashına jasaý, metallýrgııa, munaı-hımııa, agroónerkásip jáne kólik-logıstıka salalarynda mundaı jobalar az emes", - dedi Toqaev.
