امەريكالىق Boeing X-37B عارىش ۇشاعى 14 اي بويى وربيتادا بىرقاتار تاجىريبەلەر جۇرگىزىپ، جەرگە ورالدى، دەپ حابارلايدى "ادىرنا" ۇلتتىق پورتالى DW-گە سىلتەمە جاساپ.
بۇل تۋرالى اقش عارىش كۇشتەرى مالىمدەدى.
وربيتالىق اپپارات عارىشتا 434 كۇن بولىپ، اقش عارىش كۇشتەرىنىڭ عارىشتىق ورتا تۋرالى تۇسىنىگىن كەڭەيتۋگە باعىتتالعان عىلىمي ەكسپەريمەنتتەر ورىنداعان.
– بۇل تەحنولوگيالار عارىش وپەراتسيالارىن جۇرگىزۋ قابىلەتىمىزدى ارتتىرۋ ءۇشىن وتە ماڭىزدى، – دەلىنگەن ۆەدومستۆو حابارلاماسىندا.
X-37B 2023 جىلدىڭ 29 جەلتوقسانىندا فلوريداداعى كاناۆەرال مۇيىسىنەن ۇشىرىلعان. ول العاش رەت SpaceX كومپانياسىنىڭ Falcon Heavy اسا اۋىر زىمىرانى ارقىلى وربيتاعا شىعارىلدى.
بۇل اپپارات ادام باسقاراتىن عارىش كەمەسىنىڭ شاعىن نۇسقاسىنا ۇقسايدى. ۇزىندىعى – 9 مەتر، قاناتىنىڭ كەڭدىگى – 4,5 مەتر، ال ۇشىرىلۋ كەزىندەگى سالماعى شامامەن 5 توننا. X-37B كۇن باتارەيالارىنان قۋات الادى جانە عارىشتان قايتارىلعان سوڭ ۇشاق ءتارىزدى قونادى.
بۇل اپپارات 2010 جىلدان بەرى اقش قورعانىس مينيسترلىگى ءۇشىن قىزمەت ەتۋدە. ونى Boeing جانە Lockheed Martin بىرلەسكەن كاسىپورنى – United Launch Alliance ازىرلەگەن.
