Amerıkalyq Boeing X-37B ǵarysh ushaǵy 14 aı boıy orbıtada birqatar tájirıbeler júrgizip, Jerge oraldy, dep habarlaıdy "Adyrna" ulttyq portaly DW-ge silteme jasap.
Bul týraly AQSh ǵarysh kúshteri málimdedi.
Orbıtalyq apparat ǵaryshta 434 kún bolyp, AQSh ǵarysh kúshteriniń ǵaryshtyq orta týraly túsinigin keńeıtýge baǵyttalǵan ǵylymı eksperımentter oryndaǵan.
– Bul tehnologııalar ǵarysh operaııalaryn júrgizý qabiletimizdi arttyrý úshin óte mańyzdy, – delingen vedomstvo habarlamasynda.
X-37B 2023 jyldyń 29 jeltoqsanynda Florıdadaǵy Kanaveral múıisinen ushyrylǵan. Ol alǵash ret SpaceX kompanııasynyń Falcon Heavy asa aýyr zymyrany arqyly orbıtaǵa shyǵaryldy.
Bul apparat adam basqaratyn ǵarysh kemesiniń shaǵyn nusqasyna uqsaıdy. Uzyndyǵy – 9 metr, qanatynyń keńdigi – 4,5 metr, al ushyrylý kezindegi salmaǵy shamamen 5 tonna. X-37B kún batareıalarynan qýat alady jáne ǵaryshtan qaıtarylǵan soń ushaq tárizdi qonady.
Bul apparat 2010 jyldan beri AQSh Qorǵanys mınıstrligi úshin qyzmet etýde. Ony Boeing jáne Lockheed Martin birlesken kásiporny – United Launch Alliance ázirlegen.
