XPeng Motors كومپانياسىنىڭ باسقارما توراعاسى جانە بۇكىلقىتاي حالىق وكىلدەرى جينالىسىنىڭ دەپۋتاتى حە سياوپەننىڭ مالىمدەۋىنشە، قىتايدا 2026 جىلدان باستاپ ۇشاتىن كولىكتەردىڭ جاپپاي ءوندىرىسى قولعا الىنادى، دەپ حابارلايدى "ادىرنا" ۇلتتىق پورتالى Xinhua اگەنتتىگىنە سىلتەمە جاساپ.
ەلەكتروموبيلدەر وندىرىسىمەن تانىمال XPeng Motors الدىمەن Land Aircraft Carrier (LAC) كولىگىنە ارنالعان ۇشاتىن مودۋل جاساۋدان باستاماق.
جوسپارعا سايكەس، جىل سايىن وسىنداي 10 مىڭعا جۋىق قۇرىلعى وندىرىلەدى.
LAC كولىگىنىڭ پرەمەراسى چجۋحاي قالاسىنداعى Airshow China اۆياسالونىندا بولادى.
ەگەر بۇل جوسپارلار جۇزەگە اسسا، XPeng الەمدەگى العاشقى وسىنداي كومپانياعا اينالادى. بيىل قىتاي بيلىگى تومەن بيىكتىكتە ۇشاتىن اپپاراتتاردى قولدانۋ اياسىن كەڭەيتۋدى جانە ۇشاتىن كولىكتەر وندىرەتىن زاۋىتتىڭ قۇرىلىسىن اياقتاۋدى جوسپارلاپ وتىر.
الدىن الا باعالاۋ بويىنشا، مودۋلدىك ۇشاتىن كولىكتىڭ قۇنى 1-2 ميلليون يۋان (شامامەن 138-276 مىڭ دوللار) ارالىعىندا بولادى.
كولىك 12 جانە 17 قاراشا كۇندەرى العاشقى سىناق ۇشۋىن ورىندايدى.
