XPeng Motors kompanııasynyń basqarma tóraǵasy jáne búkilqytaı halyq ókilderi jınalysynyń depýtaty He Sıaopenniń málimdeýinshe, Qytaıda 2026 jyldan bastap ushatyn kólikterdiń jappaı óndirisi qolǵa alynady, dep habarlaıdy "Adyrna" ulttyq portaly Xinhua agenttigine silteme jasap.
Elektromobılder óndirisimen tanymal XPeng Motors aldymen Land Aircraft Carrier (LAC) kóligine arnalǵan ushatyn modýl jasaýdan bastamaq.
Josparǵa sáıkes, jyl saıyn osyndaı 10 myńǵa jýyq qurylǵy óndiriledi.
LAC kóliginiń premerasy Chjýhaı qalasyndaǵy Airshow China avıasalonynda bolady.
Eger bul josparlar júzege assa, XPeng álemdegi alǵashqy osyndaı kompanııaǵa aınalady. Bıyl Qytaı bıligi tómen bıiktikte ushatyn apparattardy qoldaný aıasyn keńeıtýdi jáne ushatyn kólikter óndiretin zaýyttyń qurylysyn aıaqtaýdy josparlap otyr.
Aldyn ala baǵalaý boıynsha, modýldik ushatyn kóliktiń quny 1-2 mıllıon ıýan (shamamen 138-276 myń dollar) aralyǵynda bolady.
Kólik 12 jáne 17 qarasha kúnderi alǵashqy synaq ushýyn oryndaıdy.
