جاڭاوزەن قالاسىندا مەشىت اۋماعىندا ءورت بولىپ، كامەلەتكە تولماعان بالانىڭ دەنەسىن كۇيىك شالدى. بۇل تۋرالى وبلىستىق توتەنشە جاعدايلار دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
وقيعا 6 ناۋرىز كەشكە بولعان. توتەنشە جاعدايلار ماماندارىنىڭ ايتۋىنشا مەشىتتىڭ كىلەمى ورتەنگەن.
"شاڭىراق ىقشام اۋدانىندا كەشكە قالالىق مەشىتتە ءورت بولدى. 40 شارشى مەتر اۋماق جانعان. ءورتتىڭ نەدەن شىققانى تەكسەرىلىپ جاتىر", - دەيدى وبلىستىق توتەنشە جاعدايلار دەپارتامەنتى.
ال ورتتەن زارداپ شەككەن 11 جاستاعى ءجاسوسپىرىمنىڭ جاعداي اۋىر دەيدى دارىگەرلەر.
"بالا تەرميالىق كۇيىك العان، بەت-اۋزى، موينى، جوعارعى تىنىس الۋ جولدارى، جالپى دەنەسىنىڭ ءبىراز بولىگى كۇيىپ قالعان. قازىرگى ۋاقىتتا بالانىڭ جاعدايى اۋىر. قاجەتتى ەم-شارالار جاسالىپ جاتىر", - دەيدى جاڭاوزەن قالالىق اۋرۋحاناسىنىڭ ماماندارى.
