اباي وبلىسىنداعى "سەمەي ورمانى" مەملەكەتتىك ورمان تابيعي رەزەرۆاتىندا ورمان ءورتىن ءسوندىرۋ جۇمىستارى جالعاسىپ جاتىر، دەپ حابارلايدى "ادىرنا" ۇلتتىق پورتالى.
ەكولوگيا جانە تابيعي رەسۋرستار مينيسترلىگىنىڭ مالىمەتىنشە، ساعات 14:50-دەگى جاعداي بويىنشا ءورتتى سوندىرۋگە رەزەرۆاتتىڭ مەملەكەتتىك ورمان كۇزەتىنىڭ 97 قىزمەتكەرى مەن 38 تەحنيكا تارتىلعان. سونداي-اق تجم 158 قىزمەتكەرى مەن 22 تەحنيكاسى، ىشكى ىستەر مينيسترلىگىنىڭ 101 قىزمەتكەرى جانە 25 تەحنيكاسى جۇمىلدىرىلعان. ءورتتى اۋىزدىقتاۋعا ءتورت اۋە كەمەسى قاتىسىپ جاتىر. اتاپ ايتقاندا، «قازاۆياورمانقورعاۋ» كاسىپورنىنىڭ ەكى تىكۇشاعى، قورعانىس مينيسترلىگىنىڭ مي-17 جانە ۇقك مي-8 تىكۇشاعى جۇمىس ىستەۋدە.
اۆياتسيا ءورت وشاعىنا وسى ۋاقىتقا دەيىن 82 رەت سۋ توككەن. ونىڭ ىشىندە «قازاۆياورمانقورعاۋ» تىكۇشاقتارى – 58, قورعانىس مينيسترلىگىنىڭ مي-17 تىكۇشاعى – 19, ال ۇقك-ءنىڭ مي-8 تىكۇشاعى 5 رەت سۋ شاشقان. الدىن الا مالىمەت بويىنشا، ءورت شامامەن 60 گەكتار اۋماقتى شارپىعان. ءورت قاراعايلى ورماندا شىققان. نەگىزىنەن تومەنگى قاباتتا تارالعانىمەن، كەي جەرلەردە اعاشتاردىڭ ۇشار باسىنا دەيىن جەتكەن.
