وسكەمەندە نازارباەۆ كوشەسىندە جەكە تۇرعىن ۇيدە ءورت بولدى. بۇل تۋرالى شقو تجد ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ءتۇتىن جالماعان ۇيدەن 4 ادام قۇتقارىلدى.
مالىمەت بويىنشا، جەرگىلىكتى جەردە گاز-تۇتىننەن قورعاۋ قىزمەتىنىڭ ەكى بۋىنى قۇرىلدى. ولار 35 جاستاعى ايەلگە جانە 48, 40 جانە 34 جاستاعى ءۇش ەر ادامعا كومەكتەستى. دارىگەرلەر زارداپ شەككەندەردى تەكسەرىپ، ۇيگە جىبەردى.
ءورت الاڭى – 90 شارشى مەتر.
ء"ورتتىڭ سەبەبى – تەمەكى تولىق وشپەي، ابايسىزدا وتتى جاندىرۋ. سوندىرىلمەگەن تەمەكىنىڭ سالدارىنان ۆەراندا ورتەنىپ، سودان كەيىن ءورت بىردەن ءۇيدىڭ شاتىرىنا تارادى. جالىندى وشىرۋگە جەكە قۇرامنىڭ 19 ادامى مەن 5 تەحنيكا جۇمىلدىرىلدى", – دەلىنگەن حابارلامادا.
دەپارتامەنتتىڭ ءباسپاسوز قىزمەتى اشىق وتتى قاراۋسىز قالدىرماۋعا كەڭەس بەرەدى.
"ۇيدە، سونىڭ ىشىندە توسەكتە جاتىپ تەمەكى شەگۋدەن اۋلاق بولعان ءجون. اسىرەسە ماساڭ كۇيدە بولعاندا، اپات پەن ورتتەرگە اكەلەتىن جاعدايلاردان قاشىق بولۋ كەرەك. سوندىرىلمەگەن تەمەكى تۇقىلىنان ماتراتس نەمەسە ديۆان جانىپ، ءىرى ورتكە اكەلەدى. ەگەر ءورت انىقتالسا، بۇل تۋرالى دەرەۋ 101 نەمەسە 112 تەلەفوندارى ارقىلى حابارلاڭىز. ديسپەتچەرگە ناقتى مەكەنجايدى ايتىپ، پاتەردەن نەمەسە ۇيدەن دەرەۋ كەتىڭىز", – دەلىنگەن حابارلامادا.
