رەسەيدەگى قازاق گۋبەرناتورى، ساياساتكەر امان تولەەۆتىڭ دەنەسى 22 قاراشا كۇنى شىركەۋدەن شىعارىلعانى ايتىلدى. الايدا، facebook جەلىسىندە تولەەۆتىڭ مۇسىلمان عۇرپىمەن اقتىق ساپارعا شىعارىلىپ جاتقان ۆيدەوسى تارادى، دەپ حابارلايدى “ادىرنا”.
20 قاراشا كۇنى امان تولەەۆ 79 جاسىندا دۇنيەدەن ءوتتى. رەسەيلىك باسىلىمداردا تولەەۆ كەمەروۆاداعى شىركەۋدەن شىعارىلىپ, دەنەسى 90-جىلدارى ومىردەن وزعان اندرەي ەسىمدى ۇلىنىڭ جانىنا جەرلەنگەنى ايتىلدى.
دەسە دە، قازاقستاننان كەمەروۆوعا بارعان ادامدار تولەەۆتىڭ جانازاسىن سىرتتاي شىعارعانعا ۇقسايدى. سەرىك-بولات ماجەنوۆ ەسىمدى Facebook قولدانۋشىسىنىڭ پاراقشاسىندا امان تولەەۆتىڭ اتىن اتاپ، قابىر باسىندا جانازا نامازىن وقىپ، قازاقشا دۇعا قايىرعان ساناۋلى ادامنىڭ ۆيدەوسى جاريالاندى.
