2024 جىلى اقپان ايىندا شىمكەنت اكىمدىگىندە وتكەن جينالىس بارىسىندا ۇستالعان ەكس-شەنەۋنىك اقشا جىمقىرعانى ءۇشىن سوتتالدى. بۇل تۋرالى شىمكەنت قالاسى سىبايلاس جەمقورلىققا قارسى ءىس-قيمىل دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
تۇرعىن ءۇي باسقارماسىنىڭ بۇرىنعى باسشىسىنىڭ مىندەتىن اتقارۋشى شىمكەنتتەگى 216 تۇرعىن ءۇيدىڭ سەيسميكالىق تۇراقتىلىعىن تەحنولوگيالىق تەكسەرۋ بويىنشا جۇمىستاردى ورىنداۋعا بولىنگەن بيۋدجەت قاراجاتىن جىمقىردى دەپ ايىپتالدى.
«2024 جىلعى 27 تامىزدا ول 9 جىل مەرزىمگە باس بوستاندىعىنان ايىرۋ جازاسىنا كەسىلدى. Cونداي-اق ءومىر بويىنا قانداي دا ءبىر مەملەكەتتىك لاۋازىمدى اتقارۋ قۇقىعىنان ايىرىلدى»، - دەدى شىمكەنت قالاسى سىبايلاس جەمقورلىققا قارسى ءىس-قيمىل دەپارتامەنتى ءباسپاسوز قىزمەتىنىڭ وكىلى.
