2024 жылы ақпан айында Шымкент әкімдігінде өткен жиналыс барысында ұсталған экс-шенеунік ақша жымқырғаны үшін сотталды. Бұл туралы Шымкент қаласы сыбайлас жемқорлыққа қарсы іс-қимыл департаментінің баспасөз қызметі мәлімдеді, деп хабарлайды “Адырна” ұлттық порталы.
Тұрғын үй басқармасының бұрынғы басшысының міндетін атқарушы Шымкенттегі 216 тұрғын үйдің сейсмикалық тұрақтылығын технологиялық тексеру бойынша жұмыстарды орындауға бөлінген бюджет қаражатын жымқырды деп айыпталды.
«2024 жылғы 27 тамызда ол 9 жыл мерзімге бас бостандығынан айыру жазасына кесілді. Cондай-ақ өмір бойына қандай да бір мемлекеттік лауазымды атқару құқығынан айырылды», - деді Шымкент қаласы сыбайлас жемқорлыққа қарсы іс-қимыл департаменті баспасөз қызметінің өкілі.
