2024 jyly aqpan aıynda Shymkent ákimdiginde ótken jınalys barysynda ustalǵan eks-sheneýnik aqsha jymqyrǵany úshin sottaldy. Bul týraly Shymkent qalasy sybaılas jemqorlyqqa qarsy is-qımyl departamentiniń baspasóz qyzmeti málimdedi, dep habarlaıdy “Adyrna” ulttyq portaly.
Turǵyn úı basqarmasynyń burynǵy basshysynyń mindetin atqarýshy Shymkenttegi 216 turǵyn úıdiń seısmıkalyq turaqtylyǵyn tehnologııalyq tekserý boıynsha jumystardy oryndaýǵa bólingen bıýdjet qarajatyn jymqyrdy dep aıyptaldy.
«2024 jylǵy 27 tamyzda ol 9 jyl merzimge bas bostandyǵynan aıyrý jazasyna kesildi. Condaı-aq ómir boıyna qandaı da bir memlekettik laýazymdy atqarý quqyǵynan aıyryldy», - dedi Shymkent qalasy sybaılas jemqorlyqqa qarsy is-qımyl departamenti baspasóz qyzmetiniń ókili.
