"حابار" تەلەارناسى 1996-2000 جىلدارى تۇسىرىلگەن “توعىسقان تاعدىرلار” سەريالىن قايتا كورسەتە باستادى. 20 سەريادا بۇرىنعى پرەزيدەنت نۇرسۇلتان نازارباەۆتىڭ پورترەتىن بۇلىڭعىرلاتىپ قويعان، دەپ حاارلايدى “ادىرنا” ۇلتتىق پورتالى.
سەريال YouTube پلاتفورماسىنا جاقسارتىلعان ساپادا جۇكتەلگەن.
«توعىسقان تاعدىرلار» تەلەحيكاياسى 1996-2000 جىلدار ارالىعىندا تۇسىرىلگەن. ونىڭ 465 ءبولىمى كورسەتىلدى. تمد ەلدەرى مەديافورۋمىنىڭ نۇسقاۋى بويىنشا ول 1998 جىلدىڭ ۇزدىك تەلەحيكاياسى تانىلىپ، قازاق كورەرمەنى اراسىندا ۇلكەن رەيتيڭگە يە بولدى. ۇزاقتىعى جاعىنان سودان بەرى ەشبىر سەريال «توعىسقان تاعدىرلاردان» اسىپ تۇسە المادى.
اگەنتتىكتىڭ مالىمدەۋىنشە، اقپان ايىنىڭ 10-نان باستاپ سەريالدىڭ تسيفرلىق فورماتتا جاقسارتىلعان نۇسقاسى «حابار» تەلەارناسى مەن Khabar RETRO YouTube-ارناسىندا كورەرمەنگە جول تارتقان.
«20-سەرياداعى ەپيزودتى تسيفرلاندىرۋ كەزىندە تەحنيكالىق قاتە كەتىپ قالدى. ءبىز وسى جاعدايدى جەدەل تۇردە تۇزەتتىك. ەپيزودتى مۇقيات قاراپ، كەمشىلىكتى كورسەتكەن كورەرمەندەرىمىزگە العىسىمىز شەكسىز»، – دەيدى اگەنتتىك وكىلدەرى.
«حابار» ارناسىنىڭ ايتۋىنشا، كورەرمەندەر YouTube پلاتفورماسىندا وسىعان دەيىن دە دىبىسقا قاتىستى ءبىرشاما قاتەلىكتەردى بايقاپ، ولاردى تۇزەتۋگە سەبەپشى بولعان.
تەلەارنا ماماندارىنىڭ جەدەل ارەكەتىنىڭ ارقاسىندا، نازارباەۆتىڭ پورترەتى قازىر Khabar RETRO ارناسىندا قالپىنا كەلتىرىلىپ، بۇلىڭعىرلىق تولىق جويىلىپتى.
