ءماجىلىس دەپۋتاتى ايدوس سارىم جۋرناليست نارتاي ارالبايۇلىنا بەرگەن سۇحباتىندا نازارباەۆ اۋلەتى مۇشەلەرىنىڭ قايدا جۇرگەنىن ايتتى، دەپ حابارلايدى “ادىرنا” ۇلتتىق پورتالى.
«قازاقستاننان شىققان ءۇش مىڭنان استام ادام دۋبايداعى 1 ملرد دوللاردىڭ مۇلكىن يەلەنىپ وتىر. بىزدە ميللياردەرلەرگە قىزمەت ەتەتىن پىسىقايلار بار. سول سياقتىلار شىعار ازاماتتىق العان. نازارباەۆ اۋلەتىنىڭ ءبىرازى دۋبايدا ءجۇر. شارىپباەۆتىڭ، ساتىبالدىنىڭ اڭگىمەسى بار. ەستۋىمشە، «سامات ابىشكە وردەر بەرىلىپتى» دەگەن اڭگىمە بار. ارينە، ءبىر-ەكى تۋىستارىڭ قىلمىستى بولسا، مۇلكى تاركىلەنسە ۇنامايدى عوي. ولار دا ويلانىپ، كۇدىكتەنەدى»، – دەدى ماجىلىسمەن.
سونداي-اق، دەپۋتات نۇرسۇلتان نازارباەۆتىڭ قازاقستان تاريحىنداعى ورنى ەلەۋلى ەكەنىن جوققا شىعارۋعا بولمايتىنىن ايتتى.
«كونستيتۋتسيادان ەلباسى اتاعىن الىپ تاستاعانى نۇرسۇلتان نازارباەۆتىڭ جۇرەگىنە باتاتىن شىعار. بىراق بىرەۋگە ۇناسىن، ۇناماسىن ءبىر ءسوز ايتايىن. نۇسرۇلتان نازارباەۆ – قازاقستان تاريحىنىڭ مىزعىماس ءبىر بولىگى. وسى مەملەكەت قالاتىن بولسا نازارباەۆتىڭ اتى اتالادى. ساياسات دەگەن اق پەن قارانىڭ قاقتعىسى ەمەس، الەم ءتۇرلى-ءتۇستى»، – دەدى ايدوس سارىم.
”ادىرنا” ۇلتتىق پورتالى
