نازارباەۆ تۇركىستان رەسپۋبليكاسىن قۇرۋ تۋرالى: سلاۆيان مەملەكەتتەرىمەن سوعىس بولار ەدى

3452
Adyrna.kz Telegram

وليۆەر ستوۋننىڭ Qazaq: The History of Golden Man جوباسىنىڭ ەكىنشى سەرياسىندا نۇرسۇلتان نازارباەۆ وزبەكستانمەن جانە تۇركىمەنستانمەن بىرىڭعاي تۇركىستان رەسپۋبليكاسىن قۇرۋ ۇسىنىلعانىن ايتتى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ. 

ۇسىنىس 1991 جىلعى 16 جەلتوقساندا ورتالىق ازيا ەلدەرىنىڭ سامميتىندە ايتىلىپتى.

"مەن وسىندا كەلگەندە (قازاقستانعا ماسكەۋدەن كەلدىم. - ەسك.), وزبەكستان، تۇرىكمەنستان - ءبارى مەنەن نە ىستەۋ كەرەگىن سۇراي باستادى. ءبىز تۇرىكمەنستاندا، اشحابادتا جينالۋدى ۇيعاردىق. تۇركىمەنستاننىڭ مارقۇم پرەزيدەنتى ساپارمۇرات نيازوۆ بىزگە بىرىگۋدى، تۇركىستان رەسپۋبليكاسىن قۇرۋدى ۇسىندى. بۇل قاۋىپتى بولار ەدى. بۇل قاقتىعىس، سلاۆيان رەسپۋبليكالارىمەن سوعىس بولار ەدى. سلاۆياندار مەن سلاۆيان ەمەستەر اراسىندا ءبولىنۋ پايدا بولار ەدى", - دەپ ءبولىستى نازارباەۆ.

ول بۇل كوپتەگەن ۇسىنىستىڭ ءبىرى ەكەنىن ءتۇسىندىردى.

"مەن جانە وزبەكستان پرەزيدەنتى مۇنداي يدەياعا قارسى شىقتى. نەلىكتەن رەسەي، ۋكراينا جانە بەلارۋس كەڭەس وداعىنىڭ تاراتىلعانى تۋرالى جاريالادى؟ سەبەبى سوناۋ 1920 جىلى سوتسياليستىك رەسپۋبليكالار وداعى قۇرىلعان كەزدە، وسى ۇشەۋى العاشقى قول قويۋشىلار بولعان. اشحابادتا وتىرعاندا ەلتسين بىرنەشە رەت قوڭىراۋ شالىپ، ءبارىن بەلوۆەج كەلىسىمىنە قوسىلۋعا كوندىرۋدى ءوتىندى", - دەدى تۇڭعىش پرەزيدەنت.

ونىڭ ايتۋىنشا، تالقىلاۋ ەكى كۇنگە سوزىلدى.

"كونسەنسۋس وسىلاي بولعان سوڭ، تەكەتىرەسۋدىڭ قاجەتى جوق، تەڭ قۇقىلى مۇشە رەتىندە تاۋەلسىز مەملەكەتتەر دوستاستىعىنا كىرۋ كەرەك ەدى. ءبىز (رەسەي، ۋكراينا جانە بەلارۋس باسشىلارى. - ەسك.) باسشىلارىنا بىزگە كەلىڭىزدەر، ءبىز قول قويامىز دەپ ۇسىندىق. بەلوۆەج كەلىسىمى 8 جەلتوقساندا، 1991 جىلى 21 جەلتوقساندا الماتىدا تمد قۇرۋ تۋرالى كەلىسىمگە قول قويدىق", - دەدى نازارباەۆ.

“ادىرنا” ۇلتتىق پورتالى

پىكىرلەر