"Habar" telearnasy 1996-2000 jyldary túsirilgen “Toǵysqan taǵdyrlar” serıalyn qaıta kórsete bastady. 20 serııada burynǵy prezıdent Nursultan Nazarbaevtyń portretin bulyńǵyrlatyp qoıǵan, dep haarlaıdy “Adyrna” ulttyq portaly.
Serıal YouTube platformasyna jaqsartylǵan sapada júktelgen.
«Toǵysqan taǵdyrlar» telehıkaıasy 1996-2000 jyldar aralyǵynda túsirilgen. Onyń 465 bólimi kórsetildi. TMD elderi medıaforýmynyń nusqaýy boıynsha ol 1998 jyldyń úzdik telehıkaıasy tanylyp, qazaq kórermeni arasynda úlken reıtıńge ıe boldy. Uzaqtyǵy jaǵynan sodan beri eshbir serıal «Toǵysqan taǵdyrlardan» asyp túse almady.
Agenttiktiń málimdeýinshe, aqpan aıynyń 10-nan bastap serıaldyń ıfrlyq formatta jaqsartylǵan nusqasy «Habar» telearnasy men Khabar RETRO YouTube-arnasynda kórermenge jol tartqan.
«20-serııadaǵy epızodty ıfrlandyrý kezinde tehnıkalyq qate ketip qaldy. Biz osy jaǵdaıdy jedel túrde túzettik. Epızodty muqııat qarap, kemshilikti kórsetken kórermenderimizge alǵysymyz sheksiz», – deıdi agenttik ókilderi.
«Habar» arnasynyń aıtýynsha, kórermender YouTube platformasynda osyǵan deıin de dybysqa qatysty birshama qatelikterdi baıqap, olardy túzetýge sebepshi bolǵan.
Telearna mamandarynyń jedel áreketiniń arqasynda, Nazarbaevtyń portreti qazir Khabar RETRO arnasynda qalpyna keltirilip, bulyńǵyrlyq tolyq joıylypty.