وليۆەر ستوۋننىڭ Qazaq: The History of Golden Man اتتى جوباسىنىڭ ەكىنشى سەرياسىندا نۇرسۇلتان نازارباەۆ 2011 جىلدىڭ جەلتوقسانىندا جاڭاوزەندە بولعان وقيعا تۋرالى ايتىپ بەردى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
"بۇل ءابليازوۆتىڭ جۇمىسى. مەرەكە كەزىندە الاڭدا تويلاتقاندارعا شابۋىل جاساۋ. ەندى ءبارى بىزگە ءمالىم، تەرگەدىك. دەمەك، اقشا بەرىپ، ءتىپتى مۇنايشىلاردىڭ كيىمىن كيگىزىپ، اراق بەرىپ، مولوتوۆ كوكتەيلدەرىن دايىنداپ قويعان. تاۋەلسىزدىك كۇنى. الاڭ ورتاسىندا ەسترادا بولدى، كونتسەرت ءوتىپ جاتتى، حالىق تۇردى. ولار وسى ەسترادانى قيراتتى. مۇنىمەن توقتاماي، پوليتسيا كەڭسەسىن قيراتۋعا كەتتى. قارۋى قايدا ەكەنىن ىزدەدى", - دەدى نۇرسۇلتان نازارباەۆ.
ول قاسىنداعىلار بارماۋعا كەڭەس بەرسە دە ءوزى قالاعا ۇشىپ كەلگەنىن ايتتى.
"تۇندە وتىرىپ، تىكۇشاقپەن سول جاققا اتتاندىم. تاڭەرتەڭ قيراتىپ كەتكەننىڭ ءبارىن كوردىم. دۇكەندەر ورتەنگەن، پوشتانى دا ورتەگەن، پوليتسيا كەڭسەلەرى بۇزىلعان. تۇرعىنداردى زالدا جينالۋعا شاقىردىم", - دەيدى قازاقستاننىڭ تۇڭعىش پرەزيدەنتى.
فيلمدە جاڭاوزەندەگى جينالىستا نازارباەۆتىڭ سويلەگەن ءسوزىنىڭ ارحيۆ كادرلارى كورسەتىلدى.
"نەگە بىزدە قازاقستان تاۋەلسىزدىگىنىڭ 20 جىلدىعىن اتاپ ءوتىپ جاتقانىمىزدا، بۇكىل الەم ءبىزدىڭ ۇلتىمىز تۋرالى بىلگەن كەزدە، بىزدە جاڭاوزەندە وسىنداي جاعداي بولىپ جاتىر؟ بۇل كۇنى جازىقسىز ادامدار قايتىس بولدى. مەن كوڭىل ايتۋ ءۇشىن كەلدىم", - دەدى نازارباەۆ ارحيۆ ۆيدەودا.
سودان كەيىن ول ءار ءىس بولەك قارالاتىنىن، ءار ءىس بويىنشا قىلمىستىق ءىس قوزعالاتىنىنا جانە ارقايسى اشىق سوتتا جازالاناتىنىنا ۋادە بەردى.
ەسكە سالايىق، وليۆەر ستوۋن نۇرسۇلتان نازارباەۆتان Qazaq: the History of Golden Man جاڭا ءفيلمى ءۇشىن سۇحبات العان بولاتىن. ءفيلمنىڭ رەجيسسەرى - ۋكراينالىق جانە امەريكالىق كينويندۋستريانىڭ قايراتكەرى يگور لوپاتەنوك، ءفيلمنىڭ مۋزىكاسىن "التىن گلوبۋس" يەگەرى كومپوزيتور كارلو سيليوتتو، ال مۋزىكاسىن "استانا وپەرا" سيمفونيالىق وركەسترىنىڭ ارتىستەرى ورىندادى.
“ادىرنا” ۇلتتىق پورتالى
