رەسەيدىڭ سىرتقى ىستەر مينيسترلىگى ء(سىم) اقش پرەزيدەنتى دونالد ترامپ پەن ۋكراينا باسشىسى ۆلاديمير زەلەنسكي اراسىنداعى كەلىسپەۋشىلىكتى "ساياسي جانە ديپلوماتيالىق ساتسىزدىك" دەپ اتادى. ماسكەۋ كيەۆتى "كەلىسسوز جۇرگىزۋگە قابىلەتسىز" جانە "بەيبىتشىلىكتەن باس تارتتى" دەپ ايىپتادى، دەپ حابارلايدى "ادىرنا" ۇلتتىق پورتالى DW-عا سىلتەپ.
رەسەي ءسىم-ءنىڭ رەسمي وكىلى ماريا زاحاروۆا 1 ناۋرىزدا زەلەنسكيدىڭ ۆاشينگتونداعى ساپارى ءساتسىز اياقتالعانىن مالىمدەپ، ونى "بەيبىتشىلىككە قارسى" جانە "جاۋاپكەرشىلىكتى سەزىنبەيتىن" ساياساتكەر رەتىندە سيپاتتادى.
مينيسترلىك مالىمدەمەسىندە ۋكراينانىڭ 2022 جىلعى كوكتەمدە بەيبىت كەلىسسوزدەردەن باس تارتقانى ايتىلىپ، كيەۆ "اسكەري قاقتىعىستى جالعاستىرۋ ءۇشىن وتىرىك پەن مانيپۋلياتسيانى قولدانادى" دەپ ايىپتالدى.
رەسەي قاۋىپسىزدىك كەڭەسى توراعاسىنىڭ ورىنباسارى، ەكس-پرەزيدەنت دميتري مەدۆەدەۆ زەلەنسكي مەن ترامپ اراسىنداعى داۋدى "وۆال كابينەتتەگى ماسقارا جانجال" دەپ اتاپ، ۋكرايناعا اسكەري كومەكتى توقتاتۋعا شاقىردى.
زەلەنسكي مەن ترامپ اراسىنداعى جانجالدان كەيىن ەۋروپا كوشباسشىلارى ۋكرايناعا قولداۋ ءبىلدىردى.
ەسكە سالا كەتەيىك، زەلەنسكي ترامپپەن اق ۇيدەگى كەزدەسۋدەن كەيىن كەلىسسوزدەردى اياقتاماي، زالدان شىعىپ كەتكەن.
