شەشەنستان رەسپۋبليكاسىنىڭ باسشىسى رامزان قادىروۆ بالالارىنىڭ ۋكراينادا قالاي سوعىسىپ جاتقانىن كورسەتتى. بۇل تۋرالى ول Telegram-دا «سوعىسقانداردى ورتكە قارسى قاقپاقپەن قامتاماسىز ەتەدى» دەگەن ۆيدەو جاريالادى، دەپ حابارلايدى “ادىرنا” ءتىلشىسى.
قادىروۆ 3 قازاندا ۇلدارىن (ادام (14 جاس), ەلي (15 جاس) جانە احماتتى (16 جاس) ۋكرايناعا قارسى قاندى سوعىسقا اتتاندىراتىنىن مالىمدەگەن ەدى. ايتۋىنشا، جاسوسپىرىمدەر مەن ولاردىڭ تالىمگەرى وكوپتان وق جاۋدىرعان – ءبىرى گراناتومەتتەن، ەكىنشىسى پۋلەمەتتەن وق اتقان.
قادىروۆ قازىر ونىڭ بالالارى قيان-كەسكى شايقاستار ءجۇرىپ جاتقان بايلانىس شەبىندە ەكەنىن ايتادى. ولار «ۋكراينا قارۋلى كۇشتەرىنىڭ پوزيتسيالارىنا جاقىنداپ كەلىپ، العا كەلە جاتقان جاۋىنگەرلەردى ورتتەن قورعايدى».
ۇلدارى احمات پولكىنىڭ كومانديرى زاميد چالاەۆپەن بىرگە وكوپتا ءجۇر. بەينەدە ولار وق جاۋدىرىپ جاتىر.
سونداي-اق، قادىروۆ ونىڭ بالالارى ۇاو شابۋىلىنا تويتارىس بەرگەنشە جاۋىنگەرلىك پوزيتسيالاردا بولعانىن ايتتى.
