قازاقستاندا ۇلتتىق بىرىڭعاي تەستىلەۋ (ۇبت) باستالىپ، ول 6 ساۋىرگە دەيىن جالعاسادى، دەپ حابارلايدى "ادىرنا" ۇلتتىق پورتالى.
بيىل 163 مىڭعا جۋىق تالاپكەر تەست تاپسىرۋعا ءوتىنىش بىلدىرگەن. ونىڭ 76%-ى قازاق تىلىندە، 23,9%-ى ورىس تىلىندە، ال 162 ادام اعىلشىن تىلىندە سىناقتان وتپەك.
ۇلتتىق تەستىلەۋ ورتالىعىنىڭ مالىمەتىنشە، ءبىرىنشى كۇنى رەسپۋبليكا بويىنشا 775 تالاپكەر تەست تاپسىردى. تالاپكەرلەر تەستىلەۋ كۇنىن، ۋاقىتىن جانە ورنىن وزدەرى تاڭدادى.
ۇبت 120 سۇراقتان تۇرادى. ياعني، قازاقستان تاريحى – 20 سۇراق، وقۋ ساۋاتتىلىعى – 10 سۇراق، ماتەماتيكالىق ساۋاتتىلىق – 10 سۇراق، ەكى بەيىندىك ءپان – 40 سۇراق.
ەڭ جوعارى بالل – 140, ال تەستىلەۋ ۋاقىتى 4 ساعات (240 مينۋت). ەرەكشە ءبىلىم بەرۋ قاجەتتىلىكتەرى بار تالاپكەرلەرگە قوسىمشا 40 مينۋت بەرىلەدى.
ايتا كەتەيىك، حالىقارالىق عىلىمي بايقاۋلاردىڭ جەڭىمپازدارى ۇبت تاپسىرماي-اق مەملەكەتتىك گرانتقا يە بولا الادى.
