Qazaqstanda Ulttyq biryńǵaı testileý (UBT) bastalyp, ol 6 sáýirge deıin jalǵasady, dep habarlaıdy "Adyrna" ulttyq portaly.
Bıyl 163 myńǵa jýyq talapker test tapsyrýǵa ótinish bildirgen. Onyń 76%-y qazaq tilinde, 23,9%-y orys tilinde, al 162 adam aǵylshyn tilinde synaqtan ótpek.
Ulttyq testileý ortalyǵynyń málimetinshe, birinshi kúni respýblıka boıynsha 775 talapker test tapsyrdy. Talapkerler testileý kúnin, ýaqytyn jáne ornyn ózderi tańdady.
UBT 120 suraqtan turady. Iaǵnı, qazaqstan tarıhy – 20 suraq, oqý saýattylyǵy – 10 suraq, matematıkalyq saýattylyq – 10 suraq, eki beıindik pán – 40 suraq.
Eń joǵary ball – 140, al testileý ýaqyty 4 saǵat (240 mınýt). Erekshe bilim berý qajettilikteri bar talapkerlerge qosymsha 40 mınýt beriledi.
Aıta keteıik, halyqaralyq ǵylymı baıqaýlardyń jeńimpazdary UBT tapsyrmaı-aq memlekettik grantqa ıe bola alady.
