مەملەكەت باسشىسى قاسىم-جومارت توقاەۆ قازاقستان حالقىن رامازان ايىنىڭ باستالۋىمەن قۇتتىقتادى، دەپ حابارلايدى "ادىرنا" ۇلتتىق پورتالى.
اقوردا تاراتقان اقپاراتتا:
«قۇرمەتتى وتانداستار! بارشاڭىزدى قاسيەتتى رامازان ايىنىڭ باستالۋىمەن قۇتتىقتايمىن! بۇل – حالقىمىزدىڭ رۋحاني ومىرىندە ايرىقشا ماڭىزى بار كەزەڭ. ورازا كەزىندە سابىرلىلىق پەن قاناعاتشىلدىق، جاناشىرلىق پەن قامقورلىق سەكىلدى ىزگى قۇندىلىقتار ەرەكشە دارىپتەلەدى. ازاماتتارىمىز مۇقتاج جاندارعا كومەك بەرىپ، قايىرىمدىلىق جاساۋعا ۇمتىلادى. مۇنىڭ ءبارى يسلام ءدىنىنىڭ گۋمانيستىك يدەيالارىنان باستاۋ الادى. حالقىمىز ءۇشىن ءدىن مەن ءداستۇر – ءبىرىن-ءبىرى تولىقتىرىپ، ءوزارا ساباقتاسىپ جاتقان ەگىز ۇعىم. اسىل ءدىنىمىز دە، اتا ءداستۇرىمىز دە جۇرتتى جاقسىلىق پەن جاسامپازدىققا ۇندەيدى»، — دەلىنگەن قۇتتىقتاۋ ماتىنىندە.
ول بيىل رامازان ايىنىڭ العىس ايتۋ كۇنىمەن تۇسپا-تۇس كەلىپ وتىرعانىن دا ەرەكشە اتاپ ءوتتى.
«مۇنىڭ زور سيمۆولدىق ءمانى بار. مازمۇنى تەرەڭ، ماعىناسى ۇندەس قوس مەرەكە حالقىمىزدىڭ بەرەكەلى بىرلىگىن ودان ءارى نىعايتا تۇسۋگە شاقىرادى. ورازادان-ورازاعا امان-ەسەن جەتە بەرەيىك! بارشاڭىزعا باق-بەرەكە تىلەيمىن! نيەت قابىل بولسىن!»، — دەدى ول.
