Memleket basşysy Qasym-Jomart Toqaev Qazaqstan halqyn Ramazan aiynyŋ bastaluymen qūttyqtady, dep habarlaidy "Adyrna" ūlttyq portaly.
Aqorda taratqan aqparatta:
«Qūrmettı otandastar! Barşaŋyzdy qasiettı Ramazan aiynyŋ bastaluymen qūttyqtaimyn! Būl – halqymyzdyŋ ruhani ömırınde airyqşa maŋyzy bar kezeŋ. Oraza kezınde sabyrlylyq pen qanaǧatşyldyq, janaşyrlyq pen qamqorlyq sekıldı ızgı qūndylyqtar erekşe därıpteledı. Azamattarymyz mūqtaj jandarǧa kömek berıp, qaiyrymdylyq jasauǧa ūmtylady. Mūnyŋ bärı islam dınınıŋ gumanistık ideialarynan bastau alady. Halqymyz üşın dın men dästür – bırın-bırı tolyqtyryp, özara sabaqtasyp jatqan egız ūǧym. Asyl dınımız de, ata dästürımız de jūrtty jaqsylyq pen jasampazdyqqa ündeidı», — delıngen qūttyqtau mätınınde.Ol biyl Ramazan aiynyŋ Alǧys aitu künımen tūspa-tūs kelıp otyrǧanyn da erekşe atap öttı.
«Mūnyŋ zor simvoldyq mänı bar. Mazmūny tereŋ, maǧynasy ündes qos mereke halqymyzdyŋ berekelı bırlıgın odan ärı nyǧaita tüsuge şaqyrady. Orazadan-orazaǧa aman-esen jete bereiık! Barşaŋyzǧa baq-bereke tıleimın! Niet qabyl bolsyn!», — dedı ol.
Ūqsas jaŋalyqtar
