كەشە ءماجىلىستىڭ قارجى جانە بيۋدجەت كوميتەتىندە سالىق كودەكسىنىڭ جوباسىنا قاتىستى ۇكىمەتتىڭ جاڭا باستامالارىن تالقىلاۋ بويىنشا دوڭگەلەك ۇستەل ءوتتتى، دەپ حابارلايدى "ادىرنا" ۇلتتىق پورتالى.
ءماجىلىس توراعاسىنىڭ ورىنباسارى دانيا ەسپاەۆاناىڭ ايتۋىنشا، ۇكىمەتتىڭ ققس بايلانىستى تانىستىرىلىمى ءالى دە بولسا شيكى. سوندىقتان ول الداعى جۇمىس توبىندا ۇكىمەت ۇسىنعان 16 پايىزدى ءالى دە بولسا قاراستىراتىنىن ەسكەرتتى.
«قوسىمشا قۇن سالىعى 16 پايىز بولىپ قالا ما، جوق الدە ودان ءتۇسىپ 15 پايىز بولا ما؟ وسى سۇراقتى جۇمىس توبىندا تالقىلايمىز»، – دەدى ول.
جۋرناليستەر ۆيتسە-سپيكەرگە «ساراپشىلار ۇكىمەت ققس 16 كوتەرۋ ءۇشىن ءاۋ باستا 20 پايىز دەپ ايتىپ، قۋلىق جاسادى» دەپ ايتادى. راسىندا 20 پايىزدان 16 پايىزعا ءتۇسىرۋ قۋلىق ەمەس پە؟ سونداي-اق شەكتى مولشەردى 15 ملن تەڭگەدەن 40 ملن كوتەرۋ مانيپۋلياتسيا جاساۋ ەمەس پە؟ ءاۋ باستا شەكتى مولشەر 80 ملن تەڭگە بولدى عوي...»، دەپ سۇرادى.
«مەن مۇنى قۋلىق دەپ ويلامايمىن. سەبەبى 20 پايىزعا بايلانىستى قوعامدا نارازىلىق بولدى عوي. مەنىڭ ويىمشا، ۇكىمەتتىڭ ءاۋ باستاعى ەسەپتەرى دۇرىس بولماعان سياقتى. سوندىقتان ەڭ ءبىرىنشى مىندەت ەسەپتەردى دۇرىستاپ قاراۋ كەرەك بولىپ وتىر. جۇمىس توبىندا «اتامەكەن» كاسىپكەر پالاتاسى مەن ۇكىمەتتىڭ ەسەبىن قاراپ، سالىستىرىپ بارىپ شەشىمگە كەلەمىز.
ال شەكتى مەجەشە كەدەتىن بولساق، مەنىڭ جەكە پىكىرىم بويىنشا شەكتى مەجەنى ەڭ كەمىندە 40 ملن تەڭگە ەتىپ قالدىرۋ كەرەك. سەبەبى 15 ملن تەڭگە وتە از. بۇل قارجىنى 12 ايعا بولسەك 1 ملن 255 مىڭ تەڭگە بولادى ەكەن. بۇل مەنىڭ جەكە پىكىرىم. ەرتەڭ ءوزىمىزدىڭ ۇسىنىستارىمىزدى بەرەمىز»، – دەدى ول.
