Keşe Mäjılıstıŋ Qarjy jäne biudjet komitetınde Salyq kodeksınıŋ jobasyna qatysty Ükımettıŋ jaŋa bastamalaryn talqylau boiynşa döŋgelek üstel ötttı, dep habarlaidy "Adyrna" ūlttyq portaly.
Mäjılıs töraǧasynyŋ orynbasary Daniia Espaevanayŋ aituynşa, Ükımettıŋ QQS bailanysty tanystyrylymy älı de bolsa şikı. Sondyqtan ol aldaǧy jūmys tobynda Ükımet ūsynǧan 16 paiyzdy älı de bolsa qarastyratynyn eskerttı.
«Qosymşa qūn salyǧy 16 paiyz bolyp qala ma, joq älde odan tüsıp 15 paiyz bola ma? Osy sūraqty jūmys tobynda talqylaimyz», – dedı ol.
Jurnalister vise-spikerge «Sarapşylar Ükımet QQS 16 köteru üşın äu basta 20 paiyz dep aityp, qulyq jasady» dep aitady. Rasynda 20 paiyzdan 16 paiyzǧa tüsıru qulyq emes pe? Sondai-aq şektı mölşerdı 15 mln teŋgeden 40 mln köteru manipuliasiia jasau emes pe? Äu basta şektı mölşer 80 mln teŋge boldy ǧoi...», dep sūrady.
«Men mūny qulyq dep oilamaimyn. Sebebı 20 paiyzǧa bailanysty qoǧamda narazylyq boldy ǧoi. Menıŋ oiymşa, Ükımettıŋ äu bastaǧy esepterı dūrys bolmaǧan siiaqty. Sondyqtan eŋ bırınşı mındet esepterdı dūrystap qarau kerek bolyp otyr. Jūmys tobynda «Atameken» käsıpker palatasy men Ükımettıŋ esebın qarap, salystyryp baryp şeşımge kelemız.
Al şektı mejeşe kedetın bolsaq, menıŋ jeke pıkırım boiynşa şektı mejenı eŋ kemınde 40 mln teŋge etıp qaldyru kerek. Sebebı 15 mln teŋge öte az. Būl qarjyny 12 aiǧa bölsek 1 mln 255 myŋ teŋge bolady eken. Būl menıŋ jeke pıkırım. Erteŋ özımızdıŋ ūsynystarymyzdy beremız», – dedı ol.
