28 اقپاندا ساعات 7:30 شاماسىندا اقتوبە قالاسى مارەسەۆ كوشەسىندەگى ءۇيدىڭ اۋلاسىنان كامەلەتكە تولماعان بالانىڭ دەنەسى تابىلدى. بۇل تۋرالىوبلىستىق پد ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«وقيعا ورنىنا كەلگەن جەدەل-تەرگەۋ توبى مايىتتە زورلىقپەن ءولتىرۋ بەلگىلەرى جوق ەكەنىن انىقتادى. بالانىڭ قايتىس بولۋ سەبەبىن انىقتاۋ ءۇشىن ساراپتاما تاعايىندالدى»، - دەپ حابارلادى وبلىستىق پد ءباسپاسوز قىزمەتى.
اقتوبە وبلىستىق ۆەتەريناريا باسقاراسىنىڭ باسشىسى ايبەك سەمبايدىڭ ايتۋىنشا، يت قاپتى دەگەن اقپارات شىندىققا جاناسپايدى.
«قازىرگى كەزدە تەكسەرۋ ءجۇرىپ جاتىر. بالانىڭ دەنەسىندە قانداي دا ءبىر ءىز، ءتىستىڭ باسقانى بەلگىسى جوق»، - دەدى ايبەك سەمباي.
پوليتسيا دا ءيتتىڭ قاپقانىن جوققا شىعاردى. كيىمىندە ەش ءىز بولماعان.
